ބޫސްޓަރ ޑޯޒް ޖެހި މީހުންގެ އަދަދު 98،000 އިން މައްޗަށް
ފުރަތަމަ ޑޯޒު ޖަހާފައިވަނީ 25 މީހުން
ކޮވިޑް-19 ވެކްސިން ކާޑު
ރާއްޖޭގައި ބޫސްޓަރ ޑޯޒް ޖެހި މީހުންގެ އަދަދު 98,014 އަށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އާންމުކޮށްފައިވާ ތަފާސްހިސާބުތަކަށް ބަލާއިރު, ފެބްރުއަރީ މަހުގެ އަށްވަނަ ދުވަހު 2،966 މީހުން ވަނީ ބޫސްޓަރ ޑޯޒް ޖަހާފައެވެ. އެއީ މާލެ ސަރަހައްދުން 618 މީހުންނާއި އަތޮޅުތަކުން 2،348 މީހުންނެވެ.
އަންގާރަ ދުވަހު ވެކްސިންގެ ދެވަނަ ޑޯޒު ޖަހާފައިވަނީ 53 މީހުންނެވެ. އެއީ މާލެ ސަރަހައްދުން ވެކްސިންޖެހި 36 މީހުންނާއި އަތޮޅުތަކުން 17 މީހުންނެވެ. މިއާއެކު ދެޑޯޒް ފުރިހަމަކުރި މީހުންގެ އަދަދު ވަނީ 370،311 އަށް އަރާފައެވެ.
އަދި އަންގާރަ ދުވަހު 25 މީހަކު ވެކްސިންގެ ފުރަތަމަ ޑޮޒު ޖަހާފައިވެއެވެ. އޭގެ ތެރޭގައި ހިމެނެނީި މާލެ ސަރަހައްދުން ވެކްސިންޖެހި ނުވަ މީހަކާއި އަތޮޅުތަކުން ވެކްސިންޖެހި 16 މީހެކެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 397،851 އަށް އަރާފައެވެ.
ޖެނުއަރީ މަހުގެ 15 ވަނަ ދުވަހުން ފެށިގެން އާންމުންނަށް ހުޅުވާލައިގެން އަންނަނީ ބޫސްޓަރ ޑޯޒް ޖަހަމުންނެވެ. ރާއްޖޭގައި ވެކްސިން ފުރިހަމަކުރިކަމަށް ބަލާނީ ބޫސްޓަރ ޑޯޒް ޖެހުމުންކަމަށް ކަނޑައަޅައި, އެޗްޕީއޭއިން ވަނީ އުސޫލަށް ބަދަލުގެނެސްފައެވެ.
