ހުޅުމާލޭގެ ދެވަނަ ފިޔަވަހީގައި ސެލޫނެއް ހުލުވައިފިއެވެ.
ދެވަނަ ފިޔަވަހީގައި "ޝިޔާ ސެލޫން"ގެ ނަމުގައި ހުޅުވާފައިވާ މި ސެލޫން ހުންނަނީ 15 ވަނަ ޓަވަރުގެ ގްރައުންޑް ފްލޯގައެވެ. މިއީ ދެޖިންސުގެ މީހުންނަށް ޚައްސަކޮށްގެން ހުޅުވާފައިވާ ސެލޫނެކެވެ.
މީގެ 33 އަހަރު ކުރިން ފެށިގެން މާލޭގައި ހިންގަމުން އަންނަ "ޝިޔާ ސެލޫން" އިން ވެސް ލިބޭ ހުރިހާ ޚިދުމަތެއް ހުޅުމާލޭގައި ހުޅުވި މިސެލޫންއިން ވެސް ލިބޭނެ ކަމަށާއި ކޮފީ އަދި ފިނި ބުއިމުގެ ޚިދުމަތްވެސް އެތަނުން ލިބެން ހުންނާނެ ކަމަށް ވަނީ ބުނެފައެވެ.
ހުޅުމާލޭގެ ދެވަނަ ފިޔަވަހީގައި އިމާރާތް ކޮށްފައިވާ ހިޔާ ފްލެޓުތަކުގައި ދިރިއުޅެމުން އަންނަ ރައްޔިތުންނަށް މިހާރު އެންމެ ބޮޑަށް ދިމާވެފައިވާ ދަތިކަމަކީ ބޭނުންވާ ގިނަ ސާމާނު ދެވަނަ ފިޔަވަހިން ލިބެން ނެތުމެވެ. އެހެންކަމުން އެފްލެޓުތަކުގައި ދިރިއުޅެމުން އަންނަ ފަރާތްތައް މި ތަކެތި ގަތުމަށްޓަކައި ހުޅުމާލޭގެ ފުރަތަމަ ފިޔަވައްސަށް ދަތުރުކުރަން ވަނީ ޖެހިފައެވެ.
މި މައްސަލަ ހައްލުކުރުމަށް މިހާރު އެސަރަހައްދުގައި ފިހާރަތަކެއް ހުޅުވުމުގެ މަސައްކަތް އަންނަނީ ކުރަމުންނެވެ. މިހާރުވެސް ހިޔާ ފްލެޓުގައި ބައެއް ފިހާރަތައް ވަނީ ހުޅުވާފައެވެ.
