މިދިޔަ މަހު އިނގިރޭސި ވިލާތުގެ މެންޗެސްޓާ ސިޓީގެ މެންޗަސްޓާ އެރީނާގައި ބޭއްވި މަޝްހޫރު ލަވަކިޔުންތެރިޔާ އާރިއާނާ ގްރާންޑޭގެ ޝޯ ގައި ދިން ބޮމުގެ ހަމަލާގައި ޒަޚަމްވި ފަރާތްތަކަށް އޭނާ ޒިޔާރަތްކޮށް ހާލުބަލައިފިއެވެ.

ބޮމުގެ ހާދިސާގެ ޝިކާރައަކަށްވި މީހުންނާއި އަދި އެމީހުންގެ އާއިލާތަކަށް އެހީވުމަށް އެމެރިކާގެ މަޝްހޫރު ލަވަކިޔުންތެރިޔާ އާރިއާނާ ގްރާންޑޭ ހިމެނޭ ގޮތުން ގިނަ ތަރިންތަކެއް ބައިވެރިވެގެން ހާއްސަ ޝޯއެއް އާދީއްތަ ދުވަހު މެންޗެސްޓާ ސިޓީގައި ބޭއްވުމަށް ވަނީ ހަމަޖެހިފައެވެ.

ބޮމުގެ ހަމަލާގައި ޒަޚަމްވި އޭނާގެ ސަޕޯޓަރުންގެ ހާލު ބެލުމަށް، "ސަޕްރައިސްއެއް" އެއްގެ ގޮތަށް އައިސްފައި ވަނީ "ރޯޔަލް މެންޗެސްޓާ ޗިލްޑްރަންސް ހޮސްޕިޓަލް"ގައި ފަރުވާ ދެމުންދާ ކުޑަކުދިންގެ ހާލުބެލުމަށެވެ.

އާރިއާނާ ގްރާންޑޭގެ ޝޯގައި ދީފައިވާ ބޮމުގެ ހަމަލާގެ ޒިންމާ އިސްލާމިކް ސްޓޭޓް ނުވަތަ އައިއެސް އިން ވަނީ ނަގައިފައެވެ. ހަމަލާ ދިން ވަގުތު އެތަނުގައި ތިބި ބައެއް ފަރާތްތަކުން ބުނީ، ބޮން ގޮއްވާފައިވަނީ އާރިއާނާ ފަހު ލަވަ ނިންމާލައި "ޝުކުރިއްޔާ މެންޗެސްޓަރ"އޭ ބުނެ ސްޓޭޖުން ފޭބި ވަގުތު ކަމަށެވެ.  މި ހަމަލާގައި އާރިއާނާއަށް އަނިޔާ ނުވާއިރު، އޭނާ ވަނީ އެކަމާ ގުޅިގެން "ހިތުގައި ޖެހިއްޖެ" ކަމަށް ބުނެ، ޓްވީޓް ކޮށްފައެވެ.

ސަލްމާން އަބެދީ ނަަމަކަށް ކިޔާ މީހަކު ޖާނުންފިދާވެގެން މެއި މަހުގެ 22 ވަނަ ދުވަހު މެންޗެސްޓާ އެރީނާ ގައި ދިން ހަމަލާ ގައި، 22 މީހުން މަރުވިއެވެ.

އާދީއްތަ ދުވަހު، އެމެރިކާގެ މަޝްހޫރު ލަވަކިޔުންތެރިޔާ އާރިއާނާ ގްރާންޑޭ ހިމެނޭ ގޮތުން ގިނަ ތަރިންތަކެއް ބައިވެރިވެގެން ބޮމުގެ ހާދިސާގެ ޝިކާރައަކަށްވި މީހުންނާއި އަދި އެމީހުންގެ އާއިލާތަކަށް އެހީވުމަށް ބާއްވާ ހާއްސަ ޝޯގައި ބައިވެރިވާ ތަރިންގެ ތެރޭގައި ހިމެނޭ ތަރިންގެ ތެރޭގައި ޖަސްޓިން ބީބާ، ކެޓީ ޕެރީ، މައިލީ ސައިރިސް ފަދަ ތަރިންތައް ހިމެނެއެވެ. އަދި ޓޭކް ދެޓް އަދި ކޯލްޑްޕްލޭ ފަދަ ބޭންޑްތައް ވެސް ބައިވެރިވާނެއެވެ.