ކ. މާލެ
|
8 ފެބްރުއަރީ 2022 | އަންގާރަ 05:26
އަފްޣާނިސްތާނުގެ ކާބުލް އެއަރޕޯޓަށް ދިން ބޮމުގެ ހަމަލާ
އަފްޣާނިސްތާނުގެ ކާބުލް އެއަރޕޯޓަށް ދިން ބޮމުގެ ހަމަލާ
އަލްޖަޒީރާ
އައިސިސްގެ އަފްޣާނިސްތާނު ޖަމާއަތް
އައިސިލް ލީޑަރުގެ މައުލޫމާތުދޭ ފަރާތަކަށް 10 މިލިއަން ޑޮލަރު
 
އެމެރިކާއިން ޣަފަރީ ހޯދުމުގެ މަސައްކަތް ކުރަމުން އަންނަނީ މިދިޔަ އަހަރު އަފްޣާނިސްތާނުގެ ކާބުލް އެއަރޕޯޓުގައި ދިން ބޮމުގެ ހަމަލާއާ ގުޅިގެން
 
އައިސިލްގެ ލީޑަރަކަށް ޣަފަރީ އައްޔަނުކޮށްފައިވަނީ 2020 ވަނަ އަހަރުގެ ޖޫންމަހު

އައިސިލް ލީޑަރު ސަނައުﷲ ޣަފަރީގެ މައުލޫމާތުދޭ ފަރާތަކަށް 10 މިލިއަން ޑޮލަރު ދިނުމަށް އެމެރިކާއިން ނިންމައިފިއެވެ.

އައިސިސްގެ އަފްޣާނިސްތާނުގައި ހުންނަ ޖަމާއަތްކަމުގައިވާ އައިސިލްގެ ލީޑަރު ޣަފަރީ ހުރިތަނެއް ނުވަތަ އޭނާއާއި ގުޅޭ އެއްވެސް މައުލޫމާތެއްދޭ ފަރާތަކަށް އެމެރިކާއިން 10 މިލިއަން ޔޫއެސް ޑޮލަރު ދިނުމަށް ނިންމީ ހޯމަ ދުވަހުއެވެ. އެމެރިކާއިން ޣަފަރީ ހޯދުމުގެ މަސައްކަތް ކުރަމުން އަންނަނީ މިދިޔަ އަހަރު އަފްޣާނިސްތާނުގެ ކާބުލް އެއަރޕޯޓުގައި ދިން ބޮމުގެ ހަމަލާއާއި ގުޅިގެންނެވެ.

މިދިޔަ އަހަރުގެ އޯގަސްޓުމަހު ކާބުލް އެއަރޕޯޓުގައި ދިން ބޮމުގެ ހަމަލާގެ ޒިންމާ އައިސިލްއިން ވަނީ ނަގާފައެވެ. އެހަމަލާގައި އަފްޣާނިސްތާނަށް ނިސްބަތްވާ 170 މީހަކާއި އެމެރިކާގެ 13 މީހަކުވަނީ މަރުވެފައެވެ.

އައިސިލްގެ ލީޑަރަކަށް ޣަފަރީ އައްޔަނުކޮށްފައިވަނީ 2020 ވަނަ އަހަރުގެ ޖޫންމަހުއެވެ. ޔޫއެސް ސްޓޭޓް ޑިޕާޓްމެންޓުން ބުނާ ގޮތުގައި އައިސިލްގެ ހުރިހާ އޮޕަރޭޝަންތަކެއް އެޕްރޫވް ކުރުމާއި، އެކަމަށް ބޭބުންވާ ފަންޑު ހޯދުމުގެ މަސައްކަތް ހަވާލުވެފައިވަނީ ޣަފަރީއާއެވެ.

މިދިޔަ އަހަރުގެ އޯގަސްޓު 26 ވަނަ ދުވަހު ކާބުލް އެއަރޕޯޓަށް ދިން ހަމަލާ ދިރާސާކޮށް އެމެރިކާއިން ވަނީ މިއަހަރުގެ ފެބްރުއަރީ ހަތަރުވަނަ ދުވަހު އިންވެސްޓިގޭޝަން ރިޕޯޓެއް ނެރެފައެވެ. އެރިޕޯޓުގައި ވާގޮތުން މި ހަމަލާ ދީފައިވަނީ އެންމެ މީހެއްގެ ގައިގައި ބޮމެއް ހަރުކޮށް، ޖާނުން ފިދާވުމުގެ ހަމަލާއެއް ދީގެންނެވެ.

އެހާދިސާ ހިނގިތާ އެއް ދުވަސްފަހުން އެމެރިކާއިން ވަނީ އަފްޣާނިސްތާނުގައި ހަރަކާތްތެރިވާ އައިސިލްގެ މެމްބަރުންނަށް އަމާޒުކޮށް ބޮމުގެ ހަލަމާއެއް ދީފައެވެ. ނަމަވެސް މި ހަމަލާގައި އަފްޣާނިސްތާނުގެ ކުޑަކުދިން ހިމެނޭހެން 10 މީހަކު މަރުވުމާއެކު އެމެރިކާއިން ވަނީ އެހަމަލާތައް ހުއްޓާލާފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
100%
ކޮމެންޓް