ހުޅުމީދޫ މިފްކޯ ބަނދަރު ތަރައްގީކުރަން ކުރީގެ ބަނދަރުން ހިއްކާބައި ހިއްކާ ނިމިއްޖެ
6 ފެބުރުއަރީ 2022 | އާދީއްތަ 08:36މިމަޝްރޫއުއަކީ 69 މިލިއަން ރުފިޔާގެ މަޝްރޫއެއް
ހުޅުމީދޫ މިފްކޯ ބަނދަރު ތަރައްޤީ ކުރުން
ސ. ހުޅުމީދޫ މިފްކޯ ބަނދަރު ތަރައްގީކުރުމުގެ މަޝްރޫއުގެ ދަށުން ސ. ހުޅުދޫގެ ކުރީގެ ބަނދަރުން ހިއްކުމަށް ހަމަޖެހިފައިވާ ސަރަހައްދު ހިއްކާ ނިމިފައިވާ ކަމަށް، އެ މަސައްކަތުގެ ކޮންޓްރެކްޓަރު އެމްޓީސީސީން ބުނެފި އެވެ.
ހުޅުމީދޫ މިފްކޯ ބަނދަރު ތަރައްގީކުރުމުގެ މަޝްރޫއުގެ ފުރަތަމަ ފިޔަވަހިގެ މަސައްކަތް އެމްޓީސީސީއާ ހަވާލުކުރީ އޮކްޓޯބަރު 30، 2019ގަ އެވެ. ޑިޒައިން ބިލްޑް އުސޫލުން ކުރިއަށް ގެންދާ އެ މަޝްރޫއުއަކީ 69 މިލިއަން ރުފިޔާގެ މަޝްރޫއެކެވެ
އެ މަޝްރޫއުގެ ދަށުން ބަނދަރު އަދި ނެރު ފުންކުރުމުގެ އިތުރުން 97 މީޓަރު ޝީޓް ޕައިލް ކީވޯލް ކުރާނެ އެވެ.
އެމްޓީސީސީން އާދީއްތަ ދުވަހު ބުނީ، އެ މަޝްރޫއުގެ ދަށުން އާ ހާބަރު ބޭސިން ފުންކުރުމުގެ 75 ޕަސެންޓް މަސައްކަތާއި އާ ނެރަށް ވަދެވެން އޮންނަ ދިމާ ފުންކުރުމުގެ 67 ޕަސެންޓް މަސައްކަތް މިހާރު ނިމިފައިވާ ކަމަށެވެ
