އިތުރު 1،589 މީހުން ކޮވިޑަށް ޕޮޒިޓިވްވެއްޖެ

ފާއިތުވި 24 ގަޑިއިރުތެރޭގައި 1,955 މީހުން ރާއްޖޭގައި ކޮވިޑަށް ޕޮޒިޓިވްވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)އިން އާންމުކޮށްފައިވާ ތަފާސްހިސާބުތަކަށް ބަލާލާއިރު ޕޮޒިޓިވްވި މީހުންގެ ތެރެއިން މާލެ ސަރަހައްދުން ޕޮޒިޓިވްވީ 400 މީހުންނެވެ. ޖުމްލަ 5،617 ސާމްޕަލް ނަގާފައިވާއިރު، އޭގެ ތެރެއިން މާލެ ސަރަހައްދުން ޓެސްޓްކޮށްފައިވަނީ 1،850 ސާމްޕަލެވެ. މާލެ ސަރަހައްދުގެ ސާމްޕަލް ޕޮޒިޓިވް ރޭޓަކީ 22 އިންސައްތައެވެ. އަތޮޅުތަކުން 843 މީހުން ޕޮޒިޓިވްވިއިރު ހިންގަމުންދާ ރިސޯޓްތަކުން 80 މީހުން ޕޮޒިޓިވްވިއެވެ. އަދި 266 މީހުން ޕޮޒިޓިވްވީ ކޮންތަނަކުންކަމެއް ދެނެގަނެވިފައެއްނުވެއެވެ.

މިއާއެކު ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ އަދަދު ވަނީ 148،580ށް އަރާފައެވެ. މީގެތެރެއިން 130،649 މީހުން ބަލިން ރަނގަޅުވެފައި ވާއިރު އެކްޓިވް ކޭހުގެ އަދަދަކީ 17،637 އެވެ. 52 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ. 281 މީހަކު ވަނީ މިބަލީގައި ރާއްޖޭގައި ނިޔާވެފައެވެ.

ދުވަސްތަކެއް ވާންދެން ރާއްޖޭގައި ކޮވިޑްގެ އަދަދުތައް 2،000ން މަތީގައި ހުރުމަށްފަހު މިހާރު އެއަދަދުތައް ވަނީ ދަށްވާން ފަށާފައެވެ. އޮމިކްރޯން ވޭރިއަންޓާއެކު ރާއްޖޭގައި ކޮވިޑްޖެހޭ މީހުންގެ އަދަދު ވަނީ އިތުރުވެފައެވެ.