ކޮވިޑް ބަލީގައި 80 އަހަރުގެ މީހަކު ނިޔާވެއްޖެ
ކޮވިޑް ބަލީގައި ނިޔާވި މީހުންގެ ޖުމްލަ ވަނީ 281އަށް އަރާފައި
ޅ. އަތޮޅު ހޮސްޕިޓަލުގައި ނިޔާވި މީހެއްގެ ޖަނާޒާގެ ކަންކަން ކުރިއަށްގެންދަނީ
ރާއްޖެއިން ކޮވިޑް-19 ބަލީގައި އިތުރު މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ, ހުޅުމާލެ މެޑިކަލް ފެސިލިޓީގައި އެޑްމިޓްކޮށްގެން ފަރުވާ ދެމުންދިޔަ މީހަކު ހޮނިހިރު ދުވަހުގެ މެންދުރުފަހު 3:35ހާއިރު ނިޔާވެފައިވާކަމަށެވެ.
ނިޔާވީ އުމުރުން 80 އަހަރުގެ ދިވެހި އަންހެނެއް ކަމަށް އެޗްޕީއޭއިން ހާމަކޮށްފައިވެއެވެ. މިއާއެކު މިހާތަނަށް ރާއްޖެއިން ކޮވިޑް ބަލީގައި ނިޔާވި މީހުންގެ އަދަދު ވަނީ 281އަށް އަރާފައެވެ،
ފާއިތުވި 24 ގަޑިއިރުތެރޭގައި 5،469 ސާމްޕަލްއެއް ވަނީ ޓެސްޓުކޮށްފައެވެ. މި ސާމްޕަލްތަކުގެ ތެރެއިން 1،955 ސާމްޕަލް ވަނީ ޕޮޒިޓިވްވެފައެވެ. މީގެތެރެއިން މާލެ ސަރަހައްދުން ޕޮޒިޓިވްވީ 599 މީހުންނެވެ. އަތޮޅުތަކުން 875 މީހުން ޕޮޒިޓިވްވިއިރު ހިނގަމުންދާ ރިސޯޓްތަކުން 78 މީހުން ޕޮޒިޓިވްވިއެވެ. 403 މީހުން ޕޮޒިޓިވްވީ ކޮންތަނަކުންކަމެއް ދެނެގަނެވިފައެއްނުވެއެވެ.
