އިތުރު 2،510 މީހުން ކޮވިޑަށް ޕޮޒިޓިވް ވެއްޖެ

އިތުރު 2،510 މީހުން ކޮވިޑް-19 އަށް ޕޮޒިޓިވްވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)އިން އާއްމުކޮށްފައިވާ ތަފާސްހިސާބުތައް ދައްކާ ގޮތުން ބުރާސްފަތި ދުވަހުގެ އިރުއޮއްސި 6:00ން ހުކުރު ދުވަހުގެ އިރުއޮއްސި 6:00ން 7،061 ސާމްޕަލެއް ނަގާފައިވެއެވެ. އޭގެ ތެރޭގައި މާލެ ސަރަހައްދުން ނެގި 3،372 ސާމްޕަލް ހިމެނެއެވެ.

ޖުމްލަ 7،061 ސާމްޕަލްގެ ތެރެއިން 2،510 މީހަކު ޕޮޒިޓިވްވެފައިވާއިރު، މީގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 1،203 މީހުންނާއި އަތޮޅުތެރެއިން ޕޮޒިޓިވްވި 788 މީހުންނެވެ. ހިންގަމުންދާ ރިސޯޓުތަކުން 41 މީހުން ޕޮޒިޓިވްވެފައިވާއިރު، 478 މީހުން ޕޮޒިޓިވްވެފައިވަނީ ކޮން ސަރަހައްދަކުންކަން ދެނެގަނެވިފައިނުވާ ކަމަށް އެޗްޕީއޭއިން ބުނެއެވެ.

މިއާއެކު މިހާތަނަށް ރާއްޖެއިން ކޮވިޑަށް ޕޮޒިޓިވްވި މީހުންގެ ޖުމްލަ ވަނީ 130،599 އަށް އަރާފައެވެ. އަދި 112،535 މީހުން ބަލިން ރަނގަޅުވެފައިވެއެވެ. އެކްޓިވް ކޭސްގެ ގޮތުގައި 17،777 ކޭހެއް ގުނަމުންދާކަމަށް އެޗްޕީއޭއިން ބުނެފައިވެއެވެ.

އެޗްޕީއޭއިން ބުނީ 49 މީހަކަށް ހޮސްޕިޓަލްގައި އެޑްމިޓްކޮށްގެން ފަރުވާ ދެމުންދާ ކަމަށާއި، މާލޭގެ ޕޮޒިޓިވްޓިވީ ރޭޓް ހުރީ 36 އިންސައްތައިގައި ކަމަށެވެ.

މިބަލީގައި މިހާތަނަށް 274 މީހަކު ވަނީ ނިޔާވެފައެވެ.