ރާއްޖެ
މީހަކު މަރުވެފައި އޮއްވާ ފެނުން
ހިރިމަރަދޫގައި މީހަކު މަރުވެފައި އޮއްވާ ފެނިއްޖެ
މަރުވެފައި އޮއްވާ ފެނުނީ 71 އަހަރުގެ ދިވެހި އަންހެނެއް
ޙުސައިން މަޚްތޫމް, ރާއްޖެ އެމްވީ | 28 ޖެނުއަރީ 2022 | ހުކުރު 04:33
ހދ. ހިރިމަރަދޫ
ހދ. ހިރިމަރަދޫގައި އުމުރުން ދުވަސްވީ މީހަކު މަރުވެފައި އޮއްވާ ފެނިއްޖެއެވެ.
ފުލުހުން ބުނީ ހިރިމަރަދޫގައި މީހަކު މަރުވެފައި އޮއްވާ ފެނިފައިވާ ކަމުގެ މައުލޫމާތު ބުރާސްފަތި ދުވަހު ފުލުހުންނަށް ލިބިފައިވާ ކަމަށެވެ. ބުރާސްފަތި ދުވަހުގެ މެންދުރު 1:30 ހާއިރު މަރުވެފައި އޮއްވާ ފެނުނީ އުމުރުން 71 އަހަރުގެ ދިވެހި އަންހެނެއް ކަމަށާއި، އޭނާ ފެނިފައިވަނީ އެ ރަށުގެ އަތިރި މަތިން ރާޅުޖަހާ ހިސާބު މޫދުގައި އޮއްވާ ކަމަށް ފުލުހުން ބުނެއެވެ.
ފުލުހުން ބުނީ މިހާތަނަށް ބެލި ބެލުމުން އެމީހާގެ ހަށިގަނޑުގައި އެއްވެސް ޒަހަމެއް ފެންނަން ނެތް ކަމަށެވެ.
އަދި މިކަމާއި ގުޅިގެން ބަލަންޖެހޭ ކަންކަން ފުލުހުން ބަލަމުންދާ ކަމަށް ވެސް ފުލުހުން ބުނެއެވެ.
