ދަނޑުވެރިކަން ކުރުމަށް އުތީމުން ބިން ދޫކުރަނީ

ދަނޑުވެރިކަން ކުރުމަށް ޝައުޤުވެރިވާ ފަރާތްތަކަށް އުތީމުން ބިން ދޫކުރުމަށް އެރަށު ކައުންސިލުން ނިންމައިފިއެވެ.

އުތީމު ކައުންސިލުން މައުލޫމާތުދޭގޮތުގައި، ދޫކުރުމަށް ހަަމަޖެހިފައިވަނީ 40 ދަނޑުބިމެވެ. އެގޮތުން ދަނޑުބިން ދޫކުރުމަށް ހަމަޖެހިފައިވަނީ 2000 އަކަފޫޓަށްވުރެ ބޮޑުނުވާ ގޮތަށް އަކަފޫޓަކަށް 05/- ލާރި( ފަސްލާރީ)ގެ ރޭޓުންނެވެ.

އުތީމު ކައުންސިލުން މައުލޫމާތު ދޭ ގޮތުގައި ދަނޑުވެރިކަން ކުރުމަށް ޝައުޤުވެރިވާ އުތީމުގެ ރަށްވެހިންނަށް ދަނޑުބިމަށް އެދޭ ފޯމް މިމަހުގެ 27 ވަނަ ދުވަހުން ފެށިގެން އެއިދާރާއިން ލިބެން ހުންނާނެއެވެ. އަދި ފޯރމް ފުރުމަށްފަހު 10 ފެބްރުއަރީ 2022ވާ ބުރާސްފަތި ދުވަހުގެ 14:00ގެ ކުރީން އުތީމް ކައުންސިލް އިދާރާއަށް ހުށަހެޅުމަށް އެ އިދާރާއިން އެދިފައިވެއެވެ.

އުތީމު ކައުންސިލުން ވަނީ 2020 ވަނަ އަހަރުވެސް ވަނީ އެރަށުން ދަނޑުބިމަށް އެދުނު 44 ފަރާތަކަށް ދަނޑުބިން ހަވާލުކޮށްފައެވެ