ކ. މާލެ
|
24 ޖެނުއަރީ 2022 | ހޯމަ 16:15
ބީއެމްއެލްއިން ސެން ކްލާހަށް ބޭނުންވާ ތަކެތި ހަދިޔާކުރުން
ބީއެމްއެލްއިން ސެން ކްލާހަށް ބޭނުންވާ ތަކެތި ހަދިޔާކުރުން
ބީއެމްއެލް
ބީއެމްއެލްއިން ތަކެތި ހަދިޔާކުރުން
ބީއެމްއެލްއިން އިތުރު 9 ރަށެއްގެ ސެން ކްލާހަށް ބޭނުންވާ ތަކެތި ހަދިޔާކޮށްފި
 
ބޭންކުން ފޯރުކޮށްދިން އެހީތެރިކަމާއެކު، އެ ސްކޫލްތަކުގެ ސެން ކްލާސްތަކުގައި ކިޔަވަމުންދާ 330އަށްވުރެ ގިނަ ދަރިވަރުންނަށް ކިޔަވައިދިނުމަށް އިތުރު ލުއިފަސޭހަތަކެއް ލިބިގެންދާނެ

ބޭންކް އޮފް މޯލްޑިވްސްއިން ރާއްޖޭގެ 9 ސްކޫލެއްގައި ހިންގާ ސްޕެޝަލް އެޑިއުކޭޝަން ނީޑް (ސެން) ކްލާސްތަކުގައި ކުދިންނަށް ކިޔަވާދިނުމަށް ބޭނުންވާ ތަކެތި ހަދިޔާކޮށްފިއެވެ.

ބޭންކުގެ ސީއެސްއާރު ސްޓްރެޓެޖީގެ ދަށުން ޚާއްސަ އިސްކަމެއް ދީގެން، ނުކުޅެދުންތެރިކަން ހުންނަ ފަރާތްތަކަށް އެހީވުމަށް ހަދިޔާކުރެވެނު އާލާތްތަކަކީ ކުދިންގެ ގާބިލުކަމާއި، އެހެން މީހުންނާ ގުޅިގެން މުޖުތަމައުގައި ހަރަކާތްތެރިވުމަށް ބޭނުންވާ ހުނަރު ތަރައްގީކުރުމާއި، އެކުދިންގެ ތައުލީމީ ބޭނުންތައް ބަލައިގެން ހޯދާފައިވާ ވަސީލަތްތަކެކެވެ. ބޭންކުން ފޯރުކޮށްދިން އެހީތެރިކަމާއެކު އެ ސްކޫލްތަކުގެ ސެން ކްލާސްތަކުގައި ކިޔަވަމުންދާ 330އަށްވުރެ ގިނަ ދަރިވަރުންނަށް ކިޔަވައިދިނުމަށް އިތުރު ލުއިފަސޭހަތަކެއް ލިބިގެންދާނެއެވެ.

މިއަހަރު ބޭންކުން ސެން ކްލާސްތަކަށް މި ތަކެތި ހަދިޔާ ކޮށްފައިމިވަނީ 'އިންޓަރނޭޝަނަލް ޑޭ އޮފް އެޑިޔުކޭޝަން' ފާހަގަ ކުރަމުންދާ ދުވަހުގައެވެ.

ތަކެތި ހަދިޔާ ކުރެވުނު ސްކޫލްތަކަކީ:

  • ށ. ފުނަދޫ ސްކޫލު
  • މޭނާ ސްކޫލް، ނ. ހޮޅުދޫ
  • މަދްރަސަތުލް އިފްތިތާޙް، ޅ. ނައިފަރު
  • ކ. ގުރައިދޫ ސްކޫލް
  • އއ. އުކުޅަސް ސްކޫލް
  • އދ. އަތޮޅު ތަޢުލީމީ މަރުކަޒު، އދ. މަހިބަދޫ
  • އިހައްދޫ ސްކޫލް، ލ.ގަން
  • ގއ. އަތޮޅު ސްކޫލް، ގއ. ކޮލަމާފުށި
  • ގދ. މަޑަވެލި ސްކޫލް

މިވޭތުވެދިޔަ ދެއަހަރު ތެރޭގައި ބޭންކް އޮފް މޯލްޑިވްސްއިން ވަނީ ރާއްޖޭގެ 29 ސްކޫލެއްގައި ހިންގާ ސެން ކްލާސްތަކަށް ބޭނުންވާ ތަކެތި ހަދިޔާކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އައިޝަތު ރިޔާޒް
0%
0%
0%
100%
0%
0%
ކޮމެންޓް