އިތުރު 281 މީހަކު ކޮވިޑަށް ޕޮޒިޓިވްވެއްޖެ
މާލެ ސަރަހައްދުން ޕޮޒިޓިވް ވެފައިވަނީ 100 މީހުން
ހެނދުނު މާލޭގެ މަގުމަތި
ފާއިތުވި 24 ގަޑިއިރުގެތެރޭގައި 281 މީހަކު މުޅި ރާއްޖެއިން ކޮވިޑް-19އަށް ޕޮޒިޓި ވްވެފައިވާކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ހާމަކޮށްފިއެވެ.
އެޗްޕީއޭއިން ބުނީ ބުރާސްފަތި ދުވަހުގެ އިރުއޮއްސި 06:00 އިން ހުކުރު ދުވަހުގެ އިރުއޮއްސި 06:00 އާ ދެމެދު 3،601 ސާމްޕަލެއް ޓެސްޓު ކޮށްފައި ވާކަމަށެވެ. މީގެ ތެރެއިން 100 މީހަކު މާލެ ސަރަހައްދުން ޕޮޒިޓިވް ވެފައިވާއިރު، އަތޮޅު ތެރެއިން 88 މީހުން އަދި ރިސޯޓުތަކުން 89 މީހުން ވަނީ ޕޮޒިޓިވް ވެފައެވެ.
މި 281 މީހުންނާއެކު މިހާތަނަށް ރާއްޖެއިން ކޮވިޑަށް ޕޮޒިޓިވްވި މީހުންގެ ޖުމްލަ ވަނީ 97،331 އަށް އަރައިފައެވެ.
މިވަގުތު އެކްޓިވް ކޭހުގެ ގޮތުގައި 3،086 ކޭސް ގުނަމުންދެއެވެ. މީގެ ތެރެއިން 12 މީހަކަށް ފަރުވާ ދެމުންދަނީ ހޮސްޕިޓަލު ތަކުގައި އެޑްމިޓު ކޮށްގެންނެވެ.
މިހާތަނަށް ބަލިން ފަސޭހަވި މީހުންގެ އަދަދު 93،968 އަށް އަރާފައިވާއިރު، ބަލީގައި ނިޔާވި މީހުންގެ އަދަދު ވަނީ 264 އަށް އަރައިފައެވެ.
