އުނގޫފާރު ރީޖަނަލް ހޮސްޕިޓަލް ޑިޕާޓްމެންޓްތަކުގެ މެދުގައި ވޮލީ މުބާރާތެއް ފެށިއްޖެ

ރ. އުނގޫފާރު ރީޖަނަލް ހޮސްޕިޓަލްގެ ހޭހަން ރެކްރިއޭޝަން ކުލަބުން އިންތިޒާމް ކޮށްގެން, އުނގޫފާރު ރީޖަނަލް ހޮސްޕިޓަލްގެ ޑިޕާރޓްމެންޓްތަކުގެ މެދުގައި ކުޅެވޭ ވޮލީ މުބާރާތެއް ފެށިއްޖެއެވެ

މި ވޮލީ މުބާރާތަކީ "ޔޫއާރްއެޗް އިންޓަރ ޑިޕާރޓްމެންޓް ވޮލީ މުބާރާތް 2022" މި ނަމުގައި ބޭއްވޭ މުބާރާތެކެވެ. މި މުބާރާތް ފަށާފައިވަނީ ޖެނުއަރީ 6ވީ ބުރާސްފަތި ދުވަހުގެ ހަވީރުއެވެ. މުބާރާތުގެ ފުރަތަމަ މެޗުގައި ބައްދަލުކޮށްފައިވަނީ ޓްރާންސްޕޯރޓް އެންޑް ފިޒިއޮތެރަޕީގެ ޓީމާއި ޑޮކްޓަރސް ޓީމެވެ. މި މެޗް 2-1 ސެޓުން ކާމިޔާބު ކޮށްފައިވަނީ ޓްރާންސްޕޯރޓް އެންޑް ފިޒިއޮތެރަޕީގެ ޓީމެވެ.

މި މުބާރާތުގައި އުނގޫފާރު ރީޖަނަލް ހޮސްޕިޓަލްގެ އެކި ޑިޕާރޓްމެންޓް ހިމެނޭ ގޮތަށް 6 ޓީމް ވަނީ ބައިވެރިވެފައިއެވެ.