ތޮއްޑޫ ބަނދަރުގެ މަސައްކަތް ހަލުވި ކުރުމަށް އިތުރު އެކްސަވޭޓަރަކާއި ކެރޭނެއް ގެންގޮސްފި
މިއީ 58 މިލިޔަން ރުފިޔާގެ މަޝްރޫއެއް
ތޮއްޑޫ ބަނދަރުގެ މަސައްކަތް ކުރިއަށްދަނީ
އއ. ތޮއްޑޫގެ ބަނދަރު މަރާމާތުކުރުމުގެ މަސައްކަތް ހަލުވި ކަމާއިއެކު ކުރިއަށް ގެންދިއުމަށްޓަކައި އިތުރު ކެރޭނަކާއި އެކްސްކަވޭޓަރެއް ގެންގޮސްފިއެވެ.
ތޮއްޑޫ ކައުންސިލުން ހާމަކޮށްފައިވާ ގޮތުގައި ބަނދަރު މަރާމާތު ކުރުމުގެ މަސައްކަތް އަވަސްކުރުމުގެ ގޮތުން އެރަށަށް އިތުރު އެކްސްކަވޭޓަރަކާއި، އެއްގަމު ތޮށީގެ ގާ ޖެހުމަށްޓަކައި ކެރޭނެއް ވަނީ ގެންދެވިފައެވެ. އަދި ކުޑަ ދުވަސްކޮޅެއްގެ ތެރޭގައި ކޮނުމުގެ މަސައްކަތް ނިމި އެއްގަމު ތޮށީގެ މަސައްކަތް ފެށިގެންދާނެ ކަމަށެވެ.
ތޮއްޑޫ ބަނދަރު ޒަމާނީ ފެންވަރަކަށް ހެދުމަށްޓަކައި ހަވާލުކޮށްފައިވަނީ ސާސް އީ ކޮންސްޓްރަކްޝަން އަށެވެ. މި މަޝްރޫއުގެ އަމަލީ މަސައްކަތުގައި ސޮއިކޮށްފައިވަނީ ހުސްވި 2021ވަނަ އަހަރުގެ އޭޕްރީލް މަހުއެވެ. މިއީ 58،989،863.70 މިލިޔަން ރުފިޔާގެ މަޝްރޫއެކެވެ.
