ބިޒްނަސް ސެންޓަރ ކޯޕަރޭޝަން (ބީސީސީ)ން އއ. ތޮއްޑޫގައި ގާއިމުކުރާ ފާމަރސް މާކެޓް އިމާރާތްކޮށްދޭނެ ބަޔަކު ހޯދުމަށް އިއުލާންކޮށްފިއެވެ.

ބީސީސީން ބުނީ މައުލޫމާތު ސާފުކުރުން އޮންނާނީ މިމަހުގެ 25 ވަނަ ދުވަހު، މ. ކަނީރުވިލާ 1 ވަނަ ފަންގިފިލާގައި ކަމަށެވެ. އަދި އަންދާސީ ހިސާބު ހުށައެޅުން އޮންނާނީ އޮގަސްޓް މަހުގެ 7 ވަނަ ދުވަހު ކަމަށެވެ.

މިއީ 5،000 އަކަފޫޓުގެ ސަރަހައްދެއްގައި އިމާރާތްކުރާ ތަނެކެވެ. މިއީ މިނިސްޓްރީ އޮފް އިކޮނޮމިކް ޑިވެލޮމެންޓާއި، ޔޫން.އެން.ޑީ.ޕީ ގުޅިގެން، ޖަޕާނު ސަރުކާރުގެ މާލީ އެހީތެރިކަމާއެކު ހިންގަމުންދާ، ޕްރޮޖެކްޓް ފޯރ ޑިވެލޮޕިންގ ސަސްޓެއިނަބަލް އެގްރިކަލްޗަރަލް އިކޮނޮމީ (ޕީޑީއެސްއޭއީ)ގެ ދަށުން ކުރިއަށްގެންދާ މަސައްކަތެކެވެ.

އެތަން ފަރުމާކުރަނީ 10 މާކެޓް ކިއޮސްކް ސްޕޭސް ހިމެނޭ ގޮތަށް ކަމަށާއި ރާއްޖެއިން ބޭރަށް އެކްސްޕޯޓް ކުރެވޭނެފަދަ ދިވެހި އުފެއްދުންތައް އުފެއްދުމަކީވެސް އެތަނުގެ ބޭނުމެއް ކަމަށް ބީސީސީން ބުނެއެވެ.