ނ. ލަންދޫ މަސްޖިދުލް ފުރްޤާން ހުޅުވައިފި
މި މިސްކިތަކީ 500 މީހުންގެ ޖާގައިގެ މިސްކިތެއް
ނ. ލަންދޫ މަސްޖިދުލް ފުރްޤާން
ނ. ލަންދޫގައި އިމާރާތްކޮށްފައިވާ މިސްކިތް، މަސްޖިދުލް ފުރްޤާން ހުޅުވައިފިއެވެ.
މި މިސްކިތް ރަސްމީކޮށް ހުޅުއްވައިދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ.
500 މީހުންގެ ޖާގައިގެ މި މިސްކިތަކަކީ ދައުލަތުން 5.8 މިލިއަން ރުފިޔާ ޚަރަދުކޮށްގެން އަޅާފައިވާ މިސްކިތެކެވެ.
މި މިސްކިތުގެ މަސައްކަތް މިނިސްޓްރީން ހަވާލުކުރީ ހައިމަން ކޮންސްޓްރަކްޝަނާއެވެ.
މި މަޝްރޫޢަކީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ރިޔާސީ ކެމްޕެއިންގައި އެރަށަށް ވަޑައިގެން ވެވަޑައިގެންނެވި ރިޔާސީ ވަޢުދުފުޅެކެވެ.
މިނިސްޓްރީ އޮފް އިސްލާމިކް އެފެއާޒްއިން ހިންގާފައިވާ މި މަޝްރޫޢަކީ ސަޢޫދީ ސަރުކާރުގެ ހިލޭ އެހީގެ ދަށުން ފަންޑުކޮށް 2020 ވަނަ އަހަރުގެ ބަޖެޓުގައިވެސް 3،218،757ރ. ކަނޑައެޅި މަޝްރޫޢެކެވެ.
