ވަޤުފް ފަންޑަށް ނަގުދު ފައިސާއިން އެހީތެރިކަން ފޯރުކޮށްދޭން ބޭނުންވާ ފަރާތްތަކަށް ފުރުސަތު ހުޅުވާލައިފި
ސަރުކާރު ބަންދު ނޫން ކޮންމެ ދުވަހެއްގެ ހެދުނު 09:00ން މެންދުރު 12:00ށް ފައިސާ ބަލައިގަންނާނެ
މިސްކިތްތަކަށް އެހީވާ ވަޤްފް ފަންޑާއި ދީނީ ކަންކަމަށް އެހީވާ ވަޤްފް ފަންޑަށް 30 އޭޕްރީލް 2022ގެ ނިޔަލަށް ނަގުދު ފައިސާ ބަލައިގަންނާނެ
ވަޤްފް ފަންޑަށް ނަގުދު ފައިސާއިން އެހީތެރިކަން ފޯރުކޮށްދޭން ބޭނުންވާ ފަރާތްތަކަށް އެ ފުރުސަތު ހުޅުވާލައިފިއެވެ،
މިނިސްޓްރީގެ ޓްރަސްޓް ފަންޑުތަކުގެ ތެރޭގައި ހިމެނޭ މިސްކިތްތަކަށް އެހީވާ ވަޤްފް ފަންޑާއި ދީނީ ކަންކަމަށް އެހީވާ ވަޤްފް ފަންޑަށް 30 އޭޕްރީލް 2022ގެ ނިޔަލަށް ނަގުދު ފައިސާ ބަލައިގަތުމަށް ހަމަޖެހިފައިވާ ކަމަށް މިނިސްޓްރީ އޮފް އިސްލާމިކް އެފެއާޒްއިން ބުނެއެވެ. މި ގޮތަށް ހަމަޖެއްސީ މި ފަންޑުތަކަށް ނަގުދު ފައިސާއިން އެހީތެރިވާން ބޭނުންވާ ފަރާތްތަކަށް އެކަން ފަހިކޮށްދިނުމުގެ ގޮތުން ކަމަށް ވެސް އެ މިނިސްޓްރީން ބުންޏެވެ.
30 އޭޕްރީލް 2022ގެ ނިޔަލަށް ސަރުކާރު ބަންދު ނޫން ކޮންމެ ދުވަހެއްގެ ހެދުނު 09:00ން މެންދުރު 12:00ށް މިނިސްޓްރީގެ ރިސެޕްޝަނުން ނަގުދު ފައިސާއިން ބަލައިގަންނާނެއެވެ.
ސަރުކާރުގެ އިދާރާތަކަށް ފައިސާ ދެއްކެމުގައި މިހާރު ބޭނުންކުރަނީ ބަނޑޭރި ޕޯޓަލްއެވެ. ނަގުދު ފައިސާއިން މިނިސްޓްރީގެ އެ ފަންޑުތަކަށް ފައިސާ ބަލައި ގަންނަ ގޮތަށް ހަމަޖެހިފައި ވީނަމަވެސް ބަނޑޭރިޕޭއިން ވެސް ފައިސާ ޖަމާކުރެވޭނެއެވެ. ބަނޑޭރިޕޭ މެދުވެރިކޮށް ފައިސާ ޖަމާކުރައްވަން ބޭނުންފުޅުވާ ފަރާތްތަކުން ބޭނުންކުރާނީhttps://bandeyripay.finance.gov.mvމި ލިންކެވެ.
