އައު އަހަރުގެ ފުރަތަމަ ދުވަހު ވެކްސިން ޖެހުމާއި، ސާމްޕަލް ނެގުން ބަންދު
ކޮވިޑްގެ ވެކްސިން ދިނުމުގެ މަސައްކަތް މާލެ ސަރަހައްދުގައި މާލެއާއި ވިލިމާލެ އަދި ހުޅުމާލެ ހިމެނޭހެން 6 ސެންޓަރެއްގައި ކުރިއަށްދޭ
ވެކްސިން ޖެހުމުގެ ގައުމީ ކެމްޕޭން ވަރަށް ކާމިޔާބު
އައު އަހަރުގެ ފުރަތަމަ ދުވަހު ކޮވިޑް-19ގެ ސާމްޕަލް ނެގުމާއި، ވެކްސިން ދިނުން ކުރިއަށްނުގެންދާނެ ކަމަށް ހެލްތު އިމަރޖެންސީ އޮޕަރޭޝަން ސެންޓަރުން ބުނެފިއެވެ.
މާލެ ސަރަހައްދުގައި ކޮވިޑަށް ޓެސްޓްކުރުމަށްޓަކައި މިހާރު ސާމްޕަލްތައް ނަގަނީ ސޯޝަލް ސެންޓަރާއި ވިލިމާލޭގައި އެކަމަށް ޚާއްސަކޮށްފައި ހުރި ސެންޓަރުތަކުންނެވެ. ސެނަހިޔާ އާއި ވިލިމާލެ އަދި ހުޅުމާލޭގައި ވެސް ޚާއްސަކޮށްގެން ފުލޫ ކްލިނިކްތަކެއް ގާއިމްކޮށްފައިވެއެވެ. އަލާމާތްތައް ނުފެންނަ މީހުންނަށް ސޯޝަލް ސެންޓަރުގައި ހަދާފައިވާ ސާމްޕަލް ކަލެކްޝަން ސެންޓަރުން ސާމްޕަލް ނެގެއެވެ.
ކޮވިޑްގެ ވެކްސިން ދިނުމުގެ މަސައްކަތް މާލެ ސަރަހައްދުގައި މާލެއާއި ވިލިމާލެ އަދި ހުޅުމާލެ ހިމެނޭހެން 6 ސެންޓަރެއްގައި ކުރިއަށްދެއެވެ. އަދި ގޭގެއަށް ގޮސްގެން ވެކްސިން ދިނުމަށް 3 މޮބައިލް ޓީމް ހަރަކާތްތެރިވެއެވެ. އަތޮޅުތެރޭގެ 176 ސެންޓަރެއްގައި ވެކްސިން ޖަހައިދެއެވެ.
މާލެއާއި އަތޮޅުތެރޭގައި ވެކްސިން ދިނުމުގެ ޕްރޮގްރާމް ކުރިއަށްދާއިރު، ބޫސްޓަރ ޑޯޒް ވެސް އަންނަނީ ދެމުންނެވެ.
