އިތުރު 168 މީހުން ރާއްޖެއިން ކޮވިޑަށް ޕޮޒިޓިވްވެއްޖެ
25 ޑިސެމްބަރު 2021 | ހޮނިހިރު 18:37މާލެ ސަރަހައްދުން ޕޮޒިޓިވްވީ 44 މީހުން
މާލޭގެ މަގުމަތި
އިތުރު 168 މީހުން ރާއްޖެއިން ކޮވިޑް-19ށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން އެންމެ ފަހުން އާންމުކޮށްފައިވާ ތަފާސްހިސާބުތަކަށް ބަލާއިރު، ކޮވިޑަށް ޕޮޒިޓިވްވި 168 މީހުންގެ ތެރެއިން މާލެ ސަރަހައްދުން ޕޮޒިޓިވްވެފައި ވަނީ 44 މީހުންނެވެ. އަތޮޅުތަކުން 101 މީހުން ޕޮޒިޓިވްވިއިރު ހިންގަމުންދާ ރިސޯޓްތަކުން 19 މީހުން ކޮވިޑަށް ޕޮޒިޓިވްވެފައިވެއެވެ. މިއާއެކު ރާއްޖެއިން ކޮވިޑް-19ށް ޕޮޒިޓިވްވި މީހުންގެ އަދަދު ވަނީ 94،732ށް އަރާފައެވެ. މީގެތެރެއިން 92،439 މީހުން ވަނީ ބަލިން ރަނގަޅުވެފައެވެ. މިވަގުތު އެކްޓިވް ކޭހުގެ ގޮތުގައި ގުނަމުން އަންނަނީ 2،019 ކޭހެކެވެ. މީގެތެރެއިން 10 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.
ރާއްޖެއިން މިހާތަނަށް 261 މީހުން ވަނީ މިބަލީގައި ނިޔާވެފައެވެ.
ރާއްޖޭގެ ކޮވިޑްގެ ހާލަތަށް ބަލާއިރު، ދުނިޔޭގައި މިހާރު ފެތުރެމުން އަންނަ ކޮވިޑް-19ގެ އައު ވޭރިއެންޓްކަމުގައިވާ އޮމިކްރޯންގެ ހަތަރު ކޭސް ރާއްޖެއިން ވަނީ ފެނިފައެވެ.
