އިމްޕޯޓް ކުރުމަށް ހުރި ހުރަސްތަކުގެ ސަބަބުން، ހިކިކިރު އުފައްދާ ކުންފުނިތަކަށް ތާށިކަން
18 ޑިސެމްބަރު 2021 | ހޮނިހިރު 11:50މިކަން ހައްލު ކުރުމަށް ސަރުކާރުން އަވަސް ފިޔަވަޅުތަކެއް އަޅާނެ
ހިކިކިރު
އިމްޕޯޓް ކުރުމަށް ހުރި ހުރަސްތަކުގެ ސަބަބުން, ސްރީލަންކާގައި ހިކިކިރު އުފައްދާ ކުންފުނިތަކަށް ތާށިކަން އަތުވެއްޖެއެވެ.
ލަންކާގެ ކޮންސިއުމަރ އެފެއާޒްގެ މިނިސްޓަރ ލަސަންތާ ވިދާޅުވީ، މި ތާށިކަން ދިމާވެފައިވަނީ ބޭރު ފައިސާގެ މުއާމަލާތްތައް ހިންގުމުގައި ދިމާވި ތާށިކަމާގުޅިގެން ކަމަށެވެ. މިކަންތައް ހައްލު ކުރުމަށް ސަރުކާރުން އަވަސް ފިޔަވަޅުތަކެއް އަޅުއްވާނެކަން ފާހަގަކުރައްވައި އޭނާ ވިދާޅުވީ، ކުރިއަތް އޮތްތާނގައި ޑެއިރީ ޕްރޮޑަކްޝަން އިތުރު ކުރުމަށް އަހައްމިޔަތުކަން ދޭނެ ކަމަށެވެ.
ހިކިކިރު ލަންކާގެ މާކެޓުން ލިބުމުގެ ދަތިކަން ކުރިމަތިވެފައިވާއިރު, މި ވިޔަފާރި ކުރާ މީހުން ބުނެފައިވަނީ ހިކ ކިރުގެ ސަޕްލައި ނާންނަތާ ދެތިން މަސް ވެފައިވާކަމަށެވެ.
ހުކުރު ދުވަހު ވެސް ގިނަ އަދަދެއްގެ ބަޔަކު ވަނީ ހިކި lކިރު ގަތުމަށްޓަކައި އެކި ފިހާރަތަކުގައި ކިޔޫ ހަދާފައެވެ. އަދި މި ކިޔޫތަކުގައި 25 މިނެޓުން ފެށިގެން އެތައް ގަޑިއިރަކުވެސް އެމީހުން ވަނީ މަޑުކުރަން ޖެހިފައެވެ.
