ލ. ފޮނަދޫގެ މަގުތައް ހެދުމުގެ ދެވަނަ ފިޔަވަހީގެ މަސައްކަތް ފަށައިފި
16 ޑިސެމްބަރު 2021 | ބުރާސްފަތި 05:21މި މަޝްރޫއަކީ 53.9 މިލިއަން ރުފިޔާގެ މަޝްރޫއެއް
ލ. ފޮނަދޫ މަގުހެދުމުގެ މަސައްކަތް ކުރިއައްދަނީ
ލ. ފޮނަދޫގެ މަގުތައް ޒަމާނީ ފެންވަރަށް ތަރައްޤީކުރުމަށް ކުރިއަށްގެންދާ މަޝްރޫޢުގެ، ދެވަނަ ފިޔަވަހީގެ ޢަމަލީ މަސައްކަތް ފަށައިފިއެވެ. ފޮނަދޫ މަގުތައް ޒަމާނީ ފެންވަރަށް ތަރައްޤީކުރުމުގެ ދެވަނަ ފިޔަވަހީގެ މަސައްކަތްތައް ވެސް ކުރިއަށްގެންދަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީއާ ހަވާލުކޮށްގެންނެވެ.
ފޮނަދޫ މަގުހެދުމުގެ ދެވަނަ ފިޔަވަހީގެ މަސައްކަތް އެމްޓީސީސީއާ ހަވާލުކޮށްފައިވަނީ މިއަހަރުގެ ކުރީކޮޅުއެވެ. މަގުހެދުމުގެ ދެވަނަ ފިޔަވަހީގެ ދަށުން ފޮނަދޫގެ 3.64 ކިލޯމީޓަރުގެ މަގުގެ ސަރަޙައްދު ތާރު އަޅައިގެން ތަރައްޤީކުރާނެއެވެ. އަލަށް ކުރިއަށްގެންދާ މަގު ހެދުމުގެ މަޝްރޫޢުތަކަކީ ގިނަ ކަންތައްތަކަކާއެކު ފުރިހަމަ ކުރާ މަޝްރޫޢުތަކެކެވެ.
ފުރަތަމަ ފިޔަވަހީގެ ދަށުން ރަށުގެ 13 މަގެއް ތާރުއަޅައިގެން ތަރައްޤީކޮށްފައިވެއެވެ. އެއީ 3.5 ކިލޯމީޓަރުގެ މަގުގެ ސަރަޙައްދެވެ. މަގުތަކުގައި ފެންހިންދާ ނިޒާމާއި ހިނގާ މީހުންނަށް ޚާއްސަކޮށް ޕޭމަންޓް ވެސް ވަނީ ހަދާފައެވެ.
ލ. ފޮނަދޫ މަގުހެދުމުގެ ދެވަނަ ފިޔަވަހީގެ މަޝްރޫއަކީ 53.9 މިލިއަން ރުފިޔާގެ މަޝްރޫއެކެވެ.
