ކޮވިޑް-19ށް އިތުރު 218 މީހުން ޕޮޒިޓިވްވެއްޖެ
11 ޑިސެމްބަރު 2021 | ހޮނިހިރު 17:391،933 އެކްޓިވް ކޭސް ހިމެނޭ
މާލޭގެ މަގުމަތި
ކޮވިޑް-19ށް އިތުރު 218 މީހުން ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.
އެޗްޕީއޭއިން ބުނީ، ހުކުރު ދުވަހުގެ އިރުއޮއްސި 6:00ން ހޮނިހިރު ދުވަހުގެ އިރުއޮއްސި 6:00ށް 4،246 ސާމްޕަލް ނަގާފައިވާ ކަމަށާއި، އޭގެ ތެރެއިން 218 މީހުން ޕޮޒިޓިވްވެފައިވާ ކަމަށެވެ. އެއީ މާލެ ސަރަހައްދުން 20 މީހުންނާއި، އަތޮޅުތެރޭގެ ރަށްރަށުން 188 މީހުންނާއި އަދި ހިންގަމުންދާ ރިސޯޓުތަކުން 9 މީހުންނެވެ.
އަތޮޅުތަކުން ޕޮސިޓިވްވެފައިވާ މީހުންގެ ތެރޭގައި ހިމެނެނީ ދ. ކުޑަހުވަދޫން 26 މީހުން، ހއ. ދިއްދޫން 21 މީހުން، ހދ. ހަނިމާދޫން 16 މީހުން، ނ. މާފަރުން 29 މީހުން ތ. ވިލުފުށިން 27 މީހުންނެވެ.
އެޗްޕީއޭއިން ބުނީ 1،933 އެކްޓިވް ކޭސް ހިމެނޭ ކަމަށާއި، 15 މީހުންނަށް އެޑްމިޓް ކޮށްގެން ފަރުވާ ދެމުންދާ ކަމަށެވެ.
މިހާތަނަށް 93،064 މީހުން ޕޮޒިޓިވް ވެފައިވާއިރު، 90،861 މީހުން މި ބަލިން ރަނގަޅުވެފައިވެއެވެ. އަދި މިބަލީގައި 257 މީހުން ނިޔާވެފައިވެއެވެ.
