ކޮވިޑް-19ށް އިތުރު 92 މީހުން ޕޮޒިޓިވްވެއްޖެ
16 މީހަކަށް އެޑްމިޓް ކޮށްގެން ފަރުވާ ދެމުންދޭ
ކޮވިޑް-19 ހުރިތޯ ބެލުމަށް ޕީސީއާރު ޓެސްޓު ހެދުމަށް ސާމްޕަލް ނަގަނީ
ކޮވިޑް-19ށް އިތުރު 92 މީހުން ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.
އެޗްޕީއޭއިން ބުނީ، ބުރާސްފަތި ދުވަހުގެ އިރުއޮއްސި 6:00ން ހުކުރު ދުވަހުގެ އިރުއޮއްސި 6:00ށް 4،366 ސާމްޕަލް ނަގާފައިވާ ކަމަށެވެ. އަދި އޭގެ ތެރެއިން 92 މީހުން ޕޮޒިޓިވްވެފައިވާ ކަމަށެވެ. އެއީ މާލެ ސަރަހައްދުން 20 މީހުންނާއި، އަތޮޅުތެރޭގެ ރަށްރަށުން 63 މީހުންނާއި އަދި ހިންގަމުންދާ ރިސޯޓުތަކުން ނުވަ މީހުންނެވެ.
އެޗްޕީއޭއިން ބުނީ 1،801 އެކްޓިވް ކޭސް ހިމެނޭ ކަމަށާއި، 16 މީހަކަށް އެޑްމިޓް ކޮށްގެން ފަރުވާ ދެމުންދާ ކަމަށެވެ.
މިހާތަނަށް 92،846 މީހުން ޕޮޒިޓިވް ވެފައިވާއިރު، 90،776 މީހުން މި ބަލިން ރަނގަޅުވެފައިވެއެވެ. އަދި މިބަލީގައި 256 މީހުން ނިޔާވެފައިވެއެވެ.
