ކޮވިޑް-19ށް އިތުރު 125 މީހުން ޕޮޒިޓިވްވެއްޖެ
9 ޑިސެމްބަރު 2021 | ބުރާސްފަތި 17:521861 އެކްޓިވް ކޭސް ހިމެނޭ
ރެމްޑަމް ސާމްޕަލް ނެގުމުގެ ތެރެއިން
ކޮވިޑް-19ށް އިތުރު 125 މީހުން ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.
އެޗްޕީއޭއިން ބުނީ، ބުދަ ދުވަހުގެ އިރުއޮއްސި 6:00ން ބުރާސްފަތި ދުވަހުގެ އިރުއޮއްސި 6:00ށް 3701 ސާމްޕަލް ނަގާފައިވާ ކަމަށެވެ. އަދި އޭގެ ތެރެއިން 125 މީހުން ޕޮޒިޓިވްވެފައިވާ ކަމަށެވެ. އެއީ މާލެ ސަރަހައްދުން 23 މީހުންނާއި، އަތޮޅުތެރޭގެ ރަށްރަށުން 93 މީހުންނާއި އަދި ހިންގަމުންދާ ރިސޯޓުތަކުން 7 މީހުންނެވެ.
އެޗްޕީއޭއިން ބުނީ 1861 އެކްޓިވް ކޭސް ހިމެނޭ ކަމަށާއި، 16 މީހަކަށް އެޑްމިޓް ކޮށްގެން ފަރުވާ ދެމުންދާ ކަމަށެވެ.
މިހާތަނަށް 92،754 މީހުން ޕޮޒިޓިވްވެފައިވާއިރު، 90،625 މީހުން ބަލިން ރަނގަޅުވެފައިވެއެވެ. އަދި މިބަލީގައި 255 މީހުން ނިޔާވެފައިވެއެވެ.
އެޗްޕީއޭއިން ބުނީ މާލެ ސަރަހައްދުގައި ސާމްޕަލް ޕޮޒިޓިވިޓީ ރޭޓް ހުރީ 3 އިންސައްތައިގައި ކަމަށެވެ.
