އިތުރު 128 މީހުން ކޮވިޑް-19ށް ޕޮޒިޓިވްވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނީ, ފާއިތުވި 24 ގަޑިއިރު ކޮވިޑަށް ޕޮޒިޓިވްވި 128 މީހުންގެ ތެރެއިން މާލެ ސަރަހައްދުން 46 މީހުން ޕޮޒިޓިވްވެފައިވާކަމަށެވެ. އަތޮޅުތަކުން 79 މީހުން ޕޮޒިޓިވްވިއިރު ހިންގަމުންދާ ރިސޯޓްތަކުން 3 މީހުން ޕޮޒިޓިވްވިއެވެ. މިއާއެކު މުޅި ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ އަދަދު ވަނީ 92،629ށް އަރާފައެވެ. މިހާތަނަށް 90،485 މީހުން ބަލިން ރަނގަޅުވެފައިވާއިރު، މިވަގުތު އެކްޓިވް ކޭހުގެ ގޮތުގައި ގުނަމުންދަނީ 1876 ކޭހެވެ. މީގެތެރެއިން 19 މީހުންނަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.

255 މީހުން ވަނީ މިބަލީގައި މިހާތަނަށް އައިއިރު ނިޔާވެފައެވެ.