ހުޅުމާލޭ މެޑިކަލް ފެސިލިޓީގައި ކޮވިޑަށް ފަރުވާ ހޯދަމުން ދިޔަ އަންހެނަކު ނިޔާވެއްޖެ
17 ނޮވެމްބަރު 2021 | ބުދަ 05:03ނިޔާވެފައިވަނީ އުމުރުން 75 އަހަރުގެ އަންހެނެއް
ހުޅުމާލެ މެޑިކަލް ފެސިލިޓީ- ނިޔާވެފައިވަނީ އުމުރުން 75 އަހަރުގެ އަންހެނެއް
ހުޅުމާލޭ މެޑިކަލް ފެސިލިޓީގައި ކޮވިޑަށް ފަރުވާ ހޯދަމުން ދިޔަ އަންހެނަކު ނިޔާވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ، ނިޔާވެފައިވަނީ އުމުރުން 75 އަހަރުގެ އަންހެނެއް ކަމަށެވެ. އޭނާ ނިޔާވެފައިވަނީ އަންގާރަ ދުވަހުގެރޭ 02:01 ހާއިރު ކަމަށް އެޗްޕީއޭއިން މައުލޫމާތު ދެއެވެ.
އެއާއެކު ރާއްޖެއިން މިހާތަނަށް މި ބަލީގައި ނިޔާވި މީހުންގެ އަދަދު ވަނީ 248ށް އަރާފައެވެ.
ކޮވިޑް ޖެހިގެން މިމަހުގެ 9 ވަނަ ދުވަހު 84 އަހަރުގެ ދިވެހި ފިރިހެނަކު, ހުޅުމާލެ މެޑިކަލް ފެސިލިޓީގައި ފަރުވާދެމުން ދަނިކޮށް ވަނީ ނިޔާވެފައެވެ. އަދި މިމަހުގެ 4 ވަނަ ދުވަހު އުމުރުން 81 އަހަރުގެ މީހަކު، އަދި 5 ވަނަ ދުވަހު އުމުރުން 87 އަހަރުގެ މީހަކު ވަނީ ނިޔާވެފައެވެ.
