ރާއްޖެ
އައްޑޫސިޓީގެ ކޮވިޑް މަރު
އައްޑޫސިޓީގައި ކޮވިޑަށް ފަރުވާ ހޯދަމުން ދިޔަ މީހަކު ނިޔާވެއްޖެ
ނިޔާވީ ޢުމުރުން 87 އަހަރުގެ އަންހެނެއް
އައިޝަތު މުހައްމަދު, ރާއްޖެ އެމްވީ | 5 ނޮވެމްބަރު 2021 | ހުކުރު 10:21
އައްޑޫ އިކުއެޓޯރިއަލް ހޮސްޕިޓަލް
އައްޑޫސިޓީގައި ކޮވިޑަށް ފަރުވާ ހޯދަމުން ދިޔަ މީހަކު ނިޔާވެއްޖެއެވެ.
އައްޑޫ އެމަޖެންސީ އޮޕަރޭޝަންސް ސެންޓަރ (އޭއީއޯސީ)ން ބުނީ އައްޑޫ ކޮވިޑް ފެސިލިޓީގައި ކޮވިޑަށް ފަރުވާ ހޯދަމުން ދިޔަ މީހަކު ނިޔާވެފައިވާ ކަމަށެވެ. ހުކުރު ދުވަހުގެ 11.46 ހާއިރު ނިޔާވެފައިވަނީ ޢުމުރުން 87 އަހަރުގެ އަންހެނެކެވެ.
މިއީ އައްޑޫން މިބަލީގައި މިހާތަނަށް ނިޔާވި 10 ވަނަ މީހާއެވެ.
ކޮވިޑަށް ޕޮޒިޓިވްވާ މީހުން އައްޑޫސިޓީގައި އަދިވެސް ދަނީ އިތުރު ވަމުންނެވެ. އެންމެ ފަހުން ޢާއްމު ކުރި ތަފާސްހިސާބުތަކަށް ބަލާއިރު އައްޑޫގައި އެކްޓިވް ކޭސްގެ ގޮތުގައި 300 ވަރަކަށް މީހުން އެބަތިއްބެވެ.
