މޯލްޑިވްސް ސްޓޭޓް ޝިޕިންގެ ކޮންޓެއިނާ ބޯޓެއް ރާއްޖެ ގެނެސްފި
30 އޮކްޓޯބަރު 2021 | ހޮނިހިރު 16:29މި ބޯޓުގެ ފަޅުވެރިންގެ 99 އިންސައްތައަކީ ދިވެހިން
އެމްއެސްއެސް އިން ގަނެގެން ގެނައި ބޯޓު
ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ގެ ސަބްސިޑަރީ ކުންފުނި، މޯލްޑިވްސް ސްޓޭޓް ޝިޕިންގ (އެމްއެސްއެސް) އިން ގަނެފައިވާ ކޮންޓެއިނަރ ބޯޓެއް ހޮނިހިރުދުވަހު ރާއްޖެ ގެނެސްފިއެވެ.
މިއީ ރާއްޖޭގައި ބޯޓް ދަތުރުކުރުމުގެ ދާއިރާ ވަޅުޖެހިފައި ވަނިކޮށް އެސްޓީއޯއިން އިސްވެ 2020 ވަނަ އަހަރު އުފެއްދި ޝިޕިންގ ކުންފުނިން ގަނެގެން ގެނައި ފުރަތަމަ ބޯޓެވެ. އެމްއެސްއެސްއިން މިފަހަރު ގެނެސްފައިވަނީ 680 ކޮންޓެއިނަރުގެ ބޯޓެކެވެ.
އެކުންފުނިން ޗާޓަރ ކޮށްގެން ގެނައި ފުރަތަމަ ބޯޓް ރާއްޖެ ގެނެސްފައިވަނީ 2020 ވަނަ އަހަރުގެ އޭޕްރީލް މަހުގެ ފަސްވަނަ ދުވަހުއެވެ.
އެސްޓީއޯއިން މައުލޫމާތު ދިން ގޮތުގައި ލަންކާއަށް ގެންގޮސް ބޯޓްގެ ބްރޭންޑިންގ މަސައްކަތްތައް ނިންމުމަށްފަހު މި ބޯޓު ބޭނުންކުރާނީ ލަންކާއާއި ރާއްޖެއާ ދެމެދު ދަތުރުކުރުމަށެވެ. އަދި މި ބޯޓުގެ ފަޅުވެރިންގެ 99 އިންސައްތައަކީ ދިވެހިން ކަމަށްވެސް އެސްޓީއޯއިން ބުނެއެވެ. މިބޯޓުގެ ވަޒީފާތަކަށް ދިވެހިން ހޯދުމަށް ވަނީ އޮކްޓޯބަރު މަހުގެ ތެރޭގައި އިއުލާނުކޮށްފައެވެ.
އެމްއެސްއެސް އުފެދުނީއްސުރެ ލަންކާއާ މާލެއާ ދެމެދު ކުރަމުންދާ ދަތުރުތައް މެދުކެނޑުމެއްނެތި އެ ކުންފުނިން އަންނަނީ ކުރަމުންނެވެ.
