އައިޖީއެމްއެޗްގައި މަސައްކަތް ކުރަމުން ދިޔަ ފިލިޕީންސްގެ އަންހެން ނަރުހަކު މަރާލި މައްސަލާގައި ހައްޔަރުކުރި އޭނަގެ ފިރިމީހާގެ ބަންދަށް ކްރިމިނަލް ކޯޓުން 15 ދުވަސް ޖަހައިފިއެވެ,

ނަރުސް މީހާ މަރާލި ކަމުގެ ތުހުމަތުގައި ހައްޔަރު ކުރީ 29 އަހަރުގެ ފިލިޕީންސްގެ ފިރިހެނެެއްކަމަށް ފުލުހުންވަނީ ބުނެފައެވެ. މަރުގެ ތުހުމަތުގައި އޭނާ ހައްޔަރުކުރީ ބުދަ ދުވަހުއެވެ. އޭނާ ހައްުޔަރުކޮށް ބަންދާ މެދު ގޮތެއް ނިންމުމަށް ބުރާސްފަތި ދުވަހު ކްރިމިނަލް ކޯޓަށް ހާޒިރުކުރުމުން އެ ކޯޓުން އޭނާގެ ބަންދަށް 15 ދުވަސް ވަނީ ޖަހާފައެވެ.

އަންހެން މީހާގެ ހަށިގަނޑުގެ ޕޯސްޓްމޯޓަމް ހެދުމަށް ޓަކައި ރާއްޖޭން ބޭރަށް ގެންދިއުމަށް މަސައްކަތް ކުރަމުންދާކަމަށް ފުލުހުންވަނީ ބުނެފައެވެ. މި މައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.

މަރާ ގުޅިގެން ފުލުހުން ތުހުމަތުތައް ކުރަން ފެށީ ދަން ޖެހިފައި ހުރި ކަމަށް ބުނެ ނަރުސް މީހާ ހޮސްޕިޓަލަށް ގެންދިޔަ ނަމަވެސް އޭނާގެ ހަށިގަނޑުން ދަން ޖެހިފައި ހުރިކަމުގެ ނިޝާނެއް ފެންނަން ނެތުމުންނެވެ.