ރާއްޖެ
ނ. މަނަދޫ އައު ނެރު ފުންކުރުމާއި ބޭރުތޮށިލުން
މަނަދޫ އައު ނެރު ފުންކުރުމާއި ބޭރުތޮށިލުމުގެ އަމަލީ މަސައްކަތް ފަށައިފި
މި މަޝްރޫޢަކީ 29.1 މިލިއަން ރުފިޔާގެ މަޝްރޫޢެއް
މުހައްމަދު ޔާސިރު މޫސާ, ރާއްޖެ އެމްވީ | 26 އޮކްޓޯބަރު 2021 | އަންގާރަ 05:35
މަނަދޫ ބަނދަރުގެ ނެރާއި ބޭރުތޮށިލުމުގެ މަސައްކަތް ކުރަނީ
ނ. މަނަދޫ އައު ނެރު ފުންކުރުމާއި ބޭރުތޮށި ލުމުގެ މަޝްރޫޢުގެ އަމަލީ މަސައްކަތް ފަށައިފިއެވެ.
އެމްޓީސީސީން މި މަސައްކަތް ފަށާފައިވަނީ 24 އޮކްޓޯބަރ 2021 ވަނަ ދުވަހުއެވެ.
މި މަޝްރޫޢުގެ ދަށުން، 29,038 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 195 މީޓަރުގެ ސަރަޙައްދެއްގައި ބޭރުތޮށި ލުމާއި، 188 މީޓަރުގެ ސަރަޙައްދެއްގައި ރިވެޓްމެންޓް ޖެހުން ހިމެނެއެވެ. އަދި ކޮންކްރީޓް ބްރިޖެއް އެޅުމާއި، ރޭމްޕެއް ހެދުމާއި، ނެރުބައްތި ހަރުކުރުމުގެ މަސައްކަތް ވެސް މިމަޝްރޫޢުގެ ތެރޭގައި ހިމެނެއެވެ.
މި މަޝްރޫޢަކީ 29.1 މިލިއަން ރުފިޔާގެ މަޝްރޫޢެކެވެ.
