އާދީއްތަ ދުވަހު އަތޮޅުތެރެއިން 60 ޕޮޒިޓިވް ކޭސް
24 އޮކްޓޯބަރު 2021 | އާދީއްތަ 17:21ކޮވިޑަށް ޕޮޒިޓިވްވީ މީހުންގެ ޖުމްލަ އަދަދު ވަނީ 86،922ށް އަރާފައި
ކ. ގުރައިދޫއިން ހޮނިހިރު ދުވަހު ރިޕޯޓުކޮށްފައިވަނީ 86 ކޭސް
ހޮނިހިރު ދުވަހު މުޅި ރާއްޖެއިން ކޮވިޑަށް ޕޮޒިޓިވްވީ 92 މީހުން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ހާމަކޮށްފިއެވެ.
އެޗްޕީއޭއިން ބުނީ ހުކުރު ދުވަހުގެ އިރުއޮއްސި 6:00އިން ހޮނިހިރު ދުވަހުގެ އިރުއޮއްސި 6:00އަށް 3،710 ސާމްޕަލެއް ޓެސްޓުކޮށްފައިވާ ކަމަށެވެ. މީގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވީ 26 މީހުންނާއި, އަތޮޅުތެރެއިން 60 މީހުންނާއި ރިސޯޓުތަކުން 6 މީހުން ކަމަށް އެޗްޕީއޭއިން ބުނެފައިވެއެވެ. މިއާއެކު ކޮވިޑަށް ޕޮޒިޓިވްވީ މީހުންގެ ޖުމްލަ 86،922ށް ވަނީ އަރާފައެވެ.
މިވަގުތު އެކްޓިވް ކޭހުގެ ގޮތުގައި 1،524 ކޭހެއް ގުނަމުންދެއެވެ. މީގެތެރެއިން ހޮސްޕިޓަލުގައި އެޑްމިޓުކޮށްގެން ފަރުވާ ދެމުންދަނީ 18 މީހުންނަށެވެ.
މިހާތަނަށް ބަލިން ފަސޭހަވެފައިވަނީ 85،145 މީހުންނެވެ. އަދި 240 މީހުން ވަނީ ބަލީގައި ނިޔާވެފައެވެ.
މިވަގުތު ފެންނަ ކޭސްތަކުގެ އަދަދު އެއް ހަމައެއްގައި ހިފެހެއްޓިފައިވީނަމަވެސް އާދީއްތަ ދުވަހު ރާއްޖެއިން ކޮވިޑް-19ށް ޖުމްލަ 225 މީހުން ވަނީ ޕޮޒިޓިވްވެފައެވެ. މީގެތެރެއިން އަތޮޅުތަކުން ޕޮޒިޓިވްވީ 153 މީހުންނެވެ. މާލެއިން ޕޮޒިޓިވްވެފައިވަނީ 39 މީހުންނެވެ. ހިންގަމުންދާ ރިސޯޓްތަކުން 33 މީހުން ވަނީ ކޮވިޑަށް ޕޮޒިޓިވްވެފައެވެ.
ކޮވިޑުން ރައްކާތެރިވުމަށް އަޅަންޖެހޭ ފިޔަވަޅުތަކަށް ސަމާލުކަން ދިނުމަށް ކަމާބެހޭ ފަރާތްތަކުން އަންނަނީ ތަކުރާރުކޮށް އިލްތިމާސްކުރަމުންނެވެ.
