ވެކްސިން ފުރިހަމަކުރި މީހުންގެ އަދަދު 347،558ށް
ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 393،344ށް އަރާފަ
ކޮވިޑް-19 ވެކްސިން ޖެހުން
ރާއްޖޭގައި ކޮވިޑް-19 ވެކްސިންގެ ދެ ޑޯޒް ފުރިހަމަކުރި މީހުންގެ އަދަދު 347,558ށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން އެންމެ ފަހުން ހާމަކޮށްފައިވާ ތަފާސްހިސާބުތަކަށް ބަލާއިރު ހޯމަ ދުވަހު ކޮވިޑް ވެކްސިންގެ ދެވަނަ ޑޯޒް ޖެހީ 777 މީހުންނެވެ. އެއީ އަތޮޅުތަކުން ވެކްސިން ޖެހި 360 މީހުންނާއި، މާލެ ސަރަހައްދުން ދެވަނަ ޑޯޒް ޖަހާފައިވާ 417 މީހުންނެވެ.
ހޯމަ ދުވަހު ވެކްސިންގެ ފުރަތަމަ ޑޯޒް ޖަހާފައިވަނީ 211 މީހުންނެވެ. އެއީ އަތޮޅުތަކުން 19 މީހަކާ މާލެ ސަރަހައްދުން 192 މީހެކެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 393،344ށް އަރާފައެވެ.
ކޮވިޑް-19 ކޮންޓްރޯލް ކުރުމުގެ ގޮތުން, ޚާއްސަ އިސްކަމެއް ދީގެން ވެކްސިނޭޝަން ޕްރޮގްރާމް ކުރިއަށް ގެންދެއެވެ. މާލޭގެ އިތުރުން އަތޮޅުތެރޭގައި ވެކްސިން ދެމުންދާއިރު، ވެކްސިނަށް ގިނަ ބަޔަކު ހޭލުންތެރިވެފައިވާ ކަމަށް ކަމާބެހޭ ފަރާތްތަކުން ވިދާޅުވެއެވެ.
