11.9 މިލިއަން ފައިލާއެކު "ޕެންޑޯރާ ޕޭޕާސް" ލީކު ކޮށްލައިފި

ދުނިޔޭގެ އެންމެ ބާރުގަދަ މީހުންގެ މަނީ ލޯންޑަރިންގ އާއި ޓެކްސްއަށް މަކަރު ހަދާފައިވާ ލިޔުންތަކާއެކު ޕެންޑޯރާ ޕޭޕާސް ލީކު ކޮށްލައިފިއެވެ.

ދުނިޔޭގެ 117 ގައުމެއްގެ 600 ށް ވުރެ ގިނަ ނޫސްވެރިން އެކުވެ ލީކު ކޮށްލި ޕެންޑޯރާ ޕޭޕާސްއަކީ މިހާތަނަށް ނޫސްވެރިންތަކެއް އެކުވެ ކުރި އެންމެ ބޮޑު ތަހުގީގު ވެސް މެއެވެ.

ލީކުކޮށްލާފައިވާ ޕެންޑޯރާ ޕޭޕަރުތަކުން ދުނިޔޭގެ އެންމެ ބާރުގަދަ ވިޔަފާރިވެރިން އަދި ސިޔާސީ މީހުން ފައިސާއަށް މަކަރު ހަދާފައިވާ ގޮތް ވަރަށް ރަނގަޅަށް ވަނީ ހާމަކޮށްފައެވެ. އޭގެ ތެރޭގައި 90 ގައުމެއްގެ 330 ސިޔާސީ މީހުންގެ ވާހަކަ ވަނީ ކިޔައިދީފައެވެ.

ގިނައިން ޓެކްސްއަށް މަކަރު ހަދާފައިވަނީ ގަނޫނުގައި ހުރި ބާތަކުގެ ބޭނުން ހިފައިގެން ކަމަށާއި، އެގޮތުން ތިމާގެ މީހެއް ނޫނީ އާއިލާ މީހެއްގެ ނަންމަތީ ރަޖިސްޓްރީ ކޮށްފައިވާ ކުންފުނިތަކުގެ ބޭނުން ހިފައިގެން ޓެކްސްއަށް މަކަރު ހަދާ މީހުންގެ އަދަދު އިތުރު ކަމަށް ލީކުކޮށްލި ޕެނަމާ ޕޭޕަރސް ރިޕޯޓުގައި ބުނެފައިވެއެވެ.

އިންޓަރނޭޝަނަލް އިންވެސްޓިގޭޓިވް ޖަރނަލިސްޓް އެސޯސިއޭޝަނުން ބުނީ ލީކު ކޮށްލި ޕެންޑޯރާ ޕޭޕަރުތަކާއެކު ގައުމުތަކުގެ އެންމެ ނުފޫޒުގަދަ ވެރިން މަކަރު ހަދާފައިވާ ފައިސާގެ އަދަދު 5.6 ޓްރިލިއަން ޑޮލަރުން ފެށިގެން 32 ޓްރިލިއަން ޑޮލަރާ ހަމައަށް އަރާ ކަމަށް ބެލެވޭ ކަމަށެވެ. އަދި 600 ބިލިއަބް ޑޮލަރުގެ ޓެކްސްއަށް މަކަރު ހަދާފައިވާ ކަމަށް ބެލެވޭ ކަމަށެވެ. އަދި މި ފައިސާއަކީ ގައުމުތަކުގެ ތައުލީމީ ނިޒާމާއި، ސިއްހީ ނިޒާމަށް ޚަރަދުކުރަން ރާވާފައިވާ ފައިސާ ކަމަށް ބެލެވޭ ކަމަށް ބުނެފައިވެއެވެ.