ކ. މާލެ
|
23 މެއި 2017 | އަންގާރަ 11:33
މި ހަމަލާގައި ގާތްގަނޑަކަށް 50 މީހުން ޒަހަމްވެފައިވޭ
މި ހަމަލާގައި ގާތްގަނޑަކަށް 50 މީހުން ޒަހަމްވެފައިވޭ
ގޫގުލް
މެންޗެސްޓަރ
މެންޗެސްޓަރ އެރީނާގައި ދިން ހަމަލާގައި 19 މީހުންް މަރުވެ އެތައް ބަޔަކު ޒަޚަމްވެއްޖެ
 
މި ގޮވުމެއް ގޮއްވާލާފައިވަނީ އެރީނާއަށް ވަންނަ އެންޓްރެންސް ހޯލުގަ
 
މި ހަމަލާ ދީފައިވަނީ އެމެރިކާގެ ޕޮޕް ލަވަކިއުންތެރިޔާ އަރިއާނާ ގްރާންޑެގެ ކޮންސެޓެއް ކުރިޔަށް ދަނިކޮށް

މެންޗެސްޓަރ އެރީނާގައި ދެވުނު ޓެރެރިސްޓް ހަމަލާއެއްކަމަށް ބެލެވޭ ހަމަލާގައި ނަވާރަ މީހުން މަރުވެ 50 އެއްހާ މީހުން ޒަހަމްވެއްޖެއެވެ.

މި ގޮވުން ގޮވާފައިވަނީ ބްރިޓިޝް ސަމަރ ޓައިމް އިން ހޯމަ ދުވަހު 22:35 ގައެވެ.

އިނގިރޭސިވިލާތުގެ އުތުރުގެ ސިޓީއެއް ކަމަށްވާ މެންޗެސްޓާގެ މެންޗެސްޓަރ އެރީނާގައި މި ހަމަލާ ދީފައިވަނީ އެމެރިކާގެ ޕޮޕް ލަވަކިއުންތެރިޔާ އަރިއާނާ ގްރާންޑެގެ ކޮންސެޓެއް ކުރިޔަށް ދަނިކޮށެވެ.

ހަމަލާ ދިން ސަބަބެއް އެނގިފައިނުވާއިރު، ބޮޑުވަޒީރު ތެރީސާ މޭ ވިދާޅުވީ ހަމަލާގައި ގެއްލުން ލިބުނު ފަރާތްތަކަށް ހަމްދަރުދީވެ ވަޑައިގަންނަވާކަމަށެވެ.

އިނގިރޭސިވިލާތުގެ ފުލުހުން ބުނާގޮތުގައި މި ގޮވުމެއް ގޮއްވާލާފައިވަނީ އެރީނާއަށް ވަންނަ އެންޓްރެންސް ހޯލުގައެވެ.

މެންޗެސްޓަރ އެރީނާ އަކީ ޔޫރަޕްގެ އެންމެ ބޮޑު އިންޑޯ އެރީނާއަށްވާއިރު 1995 ވަނަ އަހަރު ހުޅުވި މި ތަނަކީ 21،000 މީހުންގެ ޖާގައިގެ ތަނެއްކަމަށް އެ ތަނުގެ ވެބްސައިޓްގައިވެއެވެ. އެ ތަނަކީ ކޮންސެޓްތަކާއި ކުޅިވަރުތައް ބޭއްވާ މަޝްހޫރު ތަނެކެވެ.

އަރިއާނާ ގްރާންޑެގެ ތަރުޖަމާނު ބުނީ ލަވަކިއުންތެރިޔާ ހާލު ރަނގަޅު ކަމަށެވެ. 

މި ކޮންސެޓަކީ އަރިއާނާ ގްރާންޑެގެ"ދި ޑޭންޖަރަސް ވުމަން ޓުއަރ"ގެ ބައެކެވެ.

އިނގިރޭސި ވިލާތް އޮތީ މިފަދަ ހަމަލާތެކެއް އަތުވެދާނެ ކަމުގެ ފުރުސަތުއޮތުމުން ދެވަނައަށް އެންމެ ހައި އެލަރޓް ލެވެލްގައެވެ.

ހަމަލާ ކުށްވެރި ކުރައްވައި ބޮޑުވަޒީރު މޭ ނެރުއްވާފައިވާ ބަޔާނުގައި ވިދާޅުވެފައިވަނީ ހަމަލާއާ ގުޅޭ އިތުރު ތަފްސީލީ މައުލޫމާތު ހޯދުމަށް މަސައްކަތްކުރަމުން އަންނަކަމަށެވެ.

ލޭބަރ ޕާޓީގެ ލީޑަރު ޖެރެމީ ކޯބީންވެސް އޭނާ ވަނީ އެ ހަމަލާގައި ގެއްލުން ލިބުނު މީހުންނާއި ކުއްލިހާލަތުގައި މަސައްކަތްކުރާ ހިތްވަރުގަދަ ފަރާތްތަކާއެކު ކަމަށް ވިދާޅުވެ މި ހަލާއާ ބެހޭގޮތުން ޓްވިޓަރގައި ކޮމެންޓް ކުރައްވާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް