އެމްޑީޕީގެ ގަދަހިފުން: ޤައުމީމަޖިލިސް އިންތިޚާބު ބޮޑުތަފާތަކާއެކީ ރައީސް ޞާލިހު ފަޅިއަށް
ނަޝީދު ތާއީދުކުރެއްވީ ބަރުލަމާނީއަށް ތާއީދުކުރާ ކެނޑިޑޭޓުންނަށް
އެމްޑީޕީގެ ގައުމީ ހިންގާ ކޮމިޓީގެ ބައްދަލުވުމެއްގައި ރައީސް ޞާލިހާ ރައީސް ނަޝީދު
އެމްޑީޕީގެ ގައުމީމަޖިލީހަށް ދާއިރާތަކުން މެމްބަރުން އިންތިޚާބުކުރުމަށް ހޮނިހިރު ދުވަހު ބޭއްވި އިންތިޚާބުގައި ރައީސް ޞާލިހުގެ ފަޅިން މިހާތަނަށް 65 ގޮނޑި ކާމިޔާބުކޮށް މި އިންތިޚާބުގައި ރައީސް ނަޝީދަށް ބޮޑު ނާކާމިޔާބެއް ކުރިމަތިވެއްޖެކަމަށް ރާއްޖެއެމްވީއަށް މައުލޫމާތު ލިބިއްޖެއެވެ. ހޮނިހިރު ދުވަހުގެ އިންތިޚާބުގައި 97 ގޮނޑިއަކަށް މެމްބަރުން އިންތިޚާބުކުރަންޖެހެއެވެ.
ގައުމީމަޖިލީހަށް ދާއިރާތަކުން މެމްބަރުން އިންތިޚާބުކުރުމަށް ހޮނިހިރު ދުވަހު އޮތް އިންތިޚާބުގައި ސަރުކާރުގެ ބައެއް ވަޒީރުންނާ ބައެއް ކުންފުނިތަކުގެ ވެރިން ބައެއް ދާއިރާތަކުން ގައުމީމަޖިލީހަށް އިންތިޚާބުވެފައިވެއެވެ. ހޮނިހިރު ދުވަހުގެ އިންތިޚާބުގެ ނަތީޖާއިން މިހާތަނަށް ރައީސް ޞާލިހުގެ ފަޅިޔަށް 65 ގޮނޑި ކާމިޔާބު ވެއްޖެކަން ޔަގީންވެފައިވުމާއެކު ގައުމީމަޖީހުގައި ރައީސް ޞާލިހު ކޮންޓްރޯލް ކުރައްވާ ޖުމްލަ ގޮނޑީގެ އަދަދު 100 އިން މައްޗަށް އަރާނެއެވެ. އޭގެތެރޭގައި ހޮނިހިރުދުވަހުގެ އިންތިޚާބުން ގައުމީމަޖިލީހަށް އިންތިޚާބުވި ރައީސް ޞާލިހް ފަޅިޔަށް ނިސްބަތްވާ 65 މެމްބަރުންނާ އެމްޑީޕީއަށް ނިސްބަތްވާ ވަޒީރުންނާ ރައްޔިތުންގެ މަޖިލީހުގެ ގިނަ މެމްބަރުން ހިމެނޭނެއެވެ.
