ކޮވިޑް-19ގައި މި މަހު 5ވަނަ މަރު
ނިޔާވެފައިވަނީ އުމުރުން 80 އަހަރުގެ ދިވެހި ފިރިހެނެއް
ކޮވިޑް-19 ޖެހިގެން ނިޔާވާ މީހުންގެ ނިސްބަތްވަނީ ދަށްވެފައި
ކޮވިޑް-19ގައި މި މަހުތެރޭގައި 5ވަނަ މީހާ ނިޔާވެއްޖެއެވެ.
ށ އަތޮޅުގެ ކޯވިޑް ފެސިލިޓީގައި ފަރުވާދެމުން ދަނިކޮށް ނިޔާވެފައިވަނީ، އުމުރުން 80 އަހަރުގެ ދިވެހި ފިރިހެނެކެވެ. އެޗްޕީއޭއިން ބުނީ އޭނާ ނިޔާވީ މިއަދު މެންދުރު ފަހު 02:30 ހާއިރުކަމަށެވެ. މިއީ ކޯވިޑްގައި ނިޔާވި 231 ވަނަ މީހާއެވެ. އަދި މިމަހު ނިޔާވި ފަސްވަނަ މީހާއެވެ.
މި ބަލީގައި އެންމެ ފަހުން ނިޔާވެފައިވަނީ ހުޅުމާލޭ މެޑިކަލް ފެސިލިޓީގައި އެޑްމިޓްކޮށްގެން ފަރުވާދެމުން ގެންދިޔަ 46 އަހަރުގެ ދިވެހި އަންހެނެކެވެ. އެއީ މި މަހުގެ 24ވަނަ ދުވަހުއެވެ. މި މަހުގެ 17 ވަނަ ދުވަހު ހުޅުމާލޭ ފެސިލިޓީގައި އެޑްމިޓްކޮށްގެން ފަރުވާދެމުން ދިޔަ 87 އަހަރުގެ ދިވެހި ފިރިހެނަކުވެސް ވަނީ ނިޔާވެފައެވެ.
މީގެ އިތުރުން މި މަހު 16 ގައި ގދ. އަތޮޅު ކޮވިޑް ފެސިލިޓީގައި ފަރުވާދެމުންދިޔަ އުމުރުން 89 ގެ އަހަރުގެ ދިވެހި ފިރިހެނެއް ނިޔާވެފައިވާއިރު، މި މަހުގެ 6 ވަނަ ދުވަހު ހުޅުމާލޭ ފެސިލިޓިގައި ފަރުވާދެމުން ދަނިކޮށް އުމުރުން 80 އަހަރުގެ ދިވެހި ފިރިހެނެއް ވެސް ވަނީ ނިޔާވެފައެވެ.
