އެޑިއުކޭޝަން މިނިސްޓްރީން އެމަޖެންސީ އެޑްވައިޒަރީ ކޮމިޓީއެއް އެކުލަވާލައިފި
އިމަޖެންސީތަކާއި ޑިޒާސްޓަރގެ ހާލަތްތަކަށް އިޖާބަދިނުމަށް އެ މިނިސްޓްރީ ބޭނުންވާ ފަންނީ ލަފަޔާއި އިރުޝާދު ކޮމިޓީން ދޭނެ
އެމަޖެންސީ އެޑްވައިޒަރީ ކޮމިޓީ އުފެއްދުން
އެމަޖެންސީ އެޑްވައިޒަރީ ކޮމިޓީގެ ނަމުގައި ކޮމިޓީއެއް މިނިސްޓްރީ އޮފް އެޑިއުކޭޝަނުން އެކުލަވާލައިފިއެވެ.
މި ކޮމިޓީގެ މަޤުސަދަކީ ދަރިވަރުންގެ އިންސާނީ ކަރާމާތަށް ބުރޫ އަރާފާނެ ފަދަ ހާދިސާތަކާ، ދަރިވަރުންގެ ސަލާމަތާއި ރައްކާތެރިކަން ކަށަވަރުކުރުމާއެކު، ސްކޫލުގެ މާޙައުލާއި ސްކޫލްގެ ރައްކާތެރިކަން ދެމެހެއްޓުން ކަމަށް އެ މިނިސްޓްރީން ބުނެއެވެ. އަދި އެކިއެކި އިމަޖެންސީތަކާއި ޑިޒާސްޓަރގެ ހާލަތްތަކަށް އިޖާބަދިނުމަށް އެ މިނިސްޓްރީ ބޭނުންވާ ފަންނީ ލަފަޔާއި އިރުޝާދު ދިނުމާއެކު ދަރިވަރުންގެ ސަލާމަތާއި ރައްކާތެރިކަން ކަށަވަރުކުރުމަށް ސަރުކާރުގެ ކަމާގުޅޭ އިދާރާތައް ގުޅިގެން މަސައްކަތް ކުރުމަށް އެކުލަވާލި ކޮމެޓީއެއްކަމަށެވެ.
މިކޮމެޓީގެ ޗެއަރ ކުރަނީ މިނިސްޓްރ އޮފް އެޑިޔުކޭޝަންއެވެ. މިކޮމެޓީ އެކުލަވާލާފައިވަނީ ދިވެހިރާއްޖޭގެ ތައުލީމީ ގާނޫނުގެ 13 ވަނަ މާއްދާ އާއި 23 ވަނަ މާއްދާއިން ދަރިވަރުންގެ ސަލާމަތާއި ރައްކާތެރިކަން ކަށަވަރުކޮށް، ސްކޫލުގެ މާހައުލަކީ ދަރިވަރުންނަށް ރައްކާތެރި ތަނަކަށް ހެދުމަށް މިނިސްޓްރީ އޮފް އެޑިޔުކޭޝަންގެ މައްޗަށް ލާޒިމުކޮށްފައިވާތީއާއި އެޑިޔުކޭޝަނުން ދަރިވަރުންގެ ސަލާމަތާއި ރައްކާތެރިކަން އަދި ސްކޫލުގެ މާހައުލުގެ ރައްކާތެރިކަން ކަށަވަރުކުރުމަށް ކުރެވޭ މަސައްކަތްތަކުގެ ތެރެއިންނެވެ.
