"މާމާ މިއާ" ގެ ދެވަނަ ބައި ނެރެން ހަމަޖެހިފައިވާކަމަށް ހޮލީވުޑްގެ އެންމެ ފަހުގެ ޚަބަރުތައް ބުނެފިއެވެ.
2008 ވަނަ އަހަރު ނިކުތް "މާމާ މިއާ" އަށް ވަނީ 550 މިލިއަން ޑޮލަރު ލިބި ބޮކްސް އޮފީހުގެ އެއްވަނައަށް ގޮސްފައެވެ.
"މާމާ މިއާ" ގެ ފުރަތަމަ ބައި ޑައިރެކްޓް ކުރީ ފިލީޑާ ލޮއިޑް އެވެ. އެހެން ނަމަވެސް ދެވަނަ ބައިގެ ޑައިރެކްޝަން ހަވާލު ކުރަނީ "ދަ ބެސްޓް އެގްޒޯޓިކް މެރީގޮލްޑް ހޮޓެލް" ގެ ސްކްރީން ރައިޓަރު އޮލް ޕާކާއާ އެވެ.
"މާމާ މިއާ" ގެ ދެވަނަ ބައިގައިވެސް އުޅެނީ ފުރަތަމަ ބައިންވެސް ފެނިގެންދިޔަ އެ ފިލްމުގެ ލީޑް ތިން ތަރިން ކަމަށްވާ މެރީލް ސްޓްރީޕާއި ކޮލިން ފާތު އަދި ޕިއާސް ބްރޮސްނަންއެވެ. އެ ތިން މީހުންގެ އެކްޓަކީ ބެލުންތެރިން ބަލައިގަތް އަދި މަޖާވި އެކްޓްކަށެވެ. "މާމާ މިއާ" ރިލީޒް ކުރިތާ މިހާރުވަނީ 8 އަހަރުވެފައެވެ.
ދެހާސް އަށް ވަނަ އަހަރު ރިލީޒް ކުރި މިއުޒިކަލް ރޮމޭންޓިކް ކޮމެޑީ "މާމާ މިއާ" އަކީ ވަރަށް ގިނަ ބަޔަކަށް ކަމުދިޔަ ފިލްމެކެވެ.ހާއްސަކޮށދައްކުވައި ދިން ރޯލްތައް ބެލުންތެރިންނަށް ވަރަށް މަޖާވި އެވެ. "މާމާ މިއާ" ގެ ސްކްރިޕްޓް ލިޔާނީ އޮލް ޕާކާއެވެ. މި ފިލްމު ތިއޭޓާތަކަށް އަންނާނީ އަންނަ އަހަރުގެ ޖުލައި މަހުގެ 20 ވަނަ ދުވަހުގައި ކަމަށް ރިޕޯޓްތައް ބުނެއެވެ.
