ސިވިލް ސާވިސް މުވައްޒަފުން ކުރާ އިހުތިޖާޖުގައި އައިޖީއެމްއެޗްގެ ޑޮކްޓަރުންނާއި ނަރުހުން ބައިވެރިވަނީ
މުޒާހަރާގައި ބައިވެރިވަނީ މަގާމުގެ ކުރިއެރުން ދިނުން ހުއްޓާލުމާ ގުޅިގެން
އައިޖީއެމްއެޗްގެ ނަރުހުންތަކެއް މަސައްކަތުގައި،
ސިވިލް ސާވިސް މުވައްޒަފުން ކުރާ އިހުތިޖާޖުގައި އައިޖީއެމްއެޗްގެ ޑޮކްޓަރުންނާއި ނަރުހުން ބައިވެރިވުމަށް ނިންމައިފިއެވެ.
އިތުބާރުހުރި ފަރާތަކުން ރާއްޖެއެމްވީއަށް ވިދާޅުވީ ސިވިލް ސާވިސް މުވައްޒަފުން ކުރާ މުޒާހަރާގައި އައިޖީއެމްއެޗްގެ ޑޮކްޓަރުންނާއި ނަރުހުން ބައިވެރިވާނެ ކަމަށާއި، އާދިއްތަ ދުވަހު ޑިއުޓީއަށް ނުކުންނަނީ ވެސް ކަޅު ހެދުމުގައި ކަމަށެވެ.
މި މުޒާހަރާގައި ބައިވެރިވުމަށް ނިންމާފައިވަނީ މަގާމުގެ ކުރިއެރުން ދިނުން ހުއްޓާލުމާ ގުޅިގެންނެވެ.
ޑޮކްޓަރުންނާއި ނަރުހުންގެ ގިނަ ކަންބޮޑުވުންތަކެއް ހުރިކަން ފާހަގަކުރައްވައި އޭނާ ވިދާޅުވީ 500 އެއްހާ ނަރުހުންނާއި ޑޮކްޓަރުން ސޮއިކޮށް ރައީސް އިބްރާހިމް މުހައްމަދު ސާލިހަށް ޕެޓިޝަނެއް ހުށަހަޅާފައިވާ ކަމަށެވެ. ނަމަވެސް މިއަދާ ހަމައަށް އެޕެޓިޝަނާ ގުޅިގެން އެއްވެސް ޖަވާބެއް ނުލިބޭ ކަމަށް އޭނާ ވިދާޅުވިއެވެ.
