އަތޮޅުތެރެއިން އިތުރު 96 މީހުން ޕޮޒިޓިވް
ރިސޯޓުތަކުން ޕޮޒިޓިވްވީ 20 މީހުން
ކޮވިޑް19އަށް ޕޮޒިޓިވްވާ މީހުންގެ އަދަދު މިހާރު ވަނީ ދަށަށް ދާން ފަށާފައި
އަތޮޅުތެރެއިން އިތުރު 96 މީހުން ކޮވިޑް19ށް ޕޮޒިޓިވްވެއްޖެއެވެެ.
އެޗްޕީއޭއިން އާއްމުކޮށްފައިވާ އެންމެ ފަހުގެ ތަފާސްހިސާބުތައް ދައްކާގޮތުން ވޭތުވެދިޔަ 24 ގަޑިއިރުގެ ތެރޭގައި 169 މީހަކު ކޮވިޑަށް ޕޮޒިޓިވްވެފައިވެއެވެ. މީގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވީ 53 މީހަކާއި އަތޮޅުތެރޭގެ ރަށްރަށުން ޕޮޒިޓިވްވި 96 މީހަކާއި ރިސޯޓުތަކުން ޕޮޒިޓިވްވި 20 މީހެކެވެ.
އަލަށް ޕޮޒިޓިވްވީ މީހުންނާއެކު ބައްޔަށް ފަރުވާ ހޯދަމުންދާ މީހުންގެ އަދަދުވަނީ 2،057އަށް އަރާފައެވެ. މީގެތެރެއިން 23 މީހަކަށް ފަރުވާ ދެމުން އަންނަނީ ހޮސްޕިޓަލުގައި އެޑްމިޓް ކޮށްގެންނެވެ. މިއާއެކު ބަލި ޖެހިފައިވާ މީހުންގެ ޖުމްލަ އަދަދުވަނީ 81،979 އަށް އަރާފައެވެ.
ވޭތުވެދިޔަ 24 ގަޑިއިރު މިބަލިން 114 މީހަކު ވަނީ ރަނގަޅުވެފައެވެ. މިއާއެކު ބަލިން އެއްކޮށް ރަނގަޅުވީ މީހުންގެ އަދަދުވަނީ 79،683އަށް އަރާފައެވެ. ބަލި ދެނެގަތުމަށް ވޭތުވެދިޔަ 24 ގަޑިއިރުގެ ތެރޭގައި 5،764 މީހަކު ޓެސްޓުކޮށްފައިވެއެވެ. މިބަލީގައި މިހާތަށް 226 މީހަކުވަނީ ނިޔާވެފައެވެ.
