އަންގާރަ ދުވަހު ޕޮޒިޓިވްވީ 152 މީހުން
މާލެ ސަރަހައްދުން ޕޮޒިޓިވްވީ 26 މީހުން
މާލޭގެ މަގުމަތި- މާލެ ސަރަހައްދުން ކޮވިޑަށް ޕޮޒިޓިވްވާ މީހުންގެ އަދަދު އަންނަނީ މަދުވަމުން
ފާއިތުވެދިޔަ 24 ގަޑިއިރުގެ ތެރޭގައި ރާއްޖެއިން އިތުރު 152 މީހުން ކޮވިޑް-19ށް ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނެފިއެވެ.
އެޗްޕީއޭއިން އެންމެ ފަހުން އާންމުކުރި ތަފާސް ހިސާބުތައް ދައްކާ ގޮތުން ހޯމަ ދުވަހުގެ ހަވީރު 6:00ން ފެށިގެން އަންގާރަ ދުވަހުގެ ހަވީރު 6:00އާ ހަމައަށް ރާއްޖެއިން 4،124 މީހުން ކޮވިޑަށް ޓެސްޓުކޮށްފައިވެއެވެ. އަދި އޭގެ ތެރެއިން 152 މީހުން ބައްޔަށް ޕޮޒިޓިވްވެފައިވާއިރު، އެއީ މާލެ ސަރަހައްދުން ޕޮޒިޓިވްވި 26 މީހުންނާއި، އަތޮޅު ތެރެއިން ޕޮޒިޓިވްވި 74 މީހުންނާއި، ރިސޯޓްތަކުން ޕޮޒިޓިވްވި 48 މީހުންގެ އިތުރުން ކަނޑުމަތިން ޕޮޒިޓިވްވި ހަތަރު މީހުންނެވެ.
އިތުރު 152 މީހުން ކޮވިޑަށް ޕޮޒިޓިވްވުމާއިއެކު ރާއްޖެއިން ބައްޔަށް ޕޮޒިޓިވްވި މީހުންގެ ޖުމްލަ އަދަދު ވަނީ 81،112ށް އަރާފައެވެ. އަދި އެކްޓިވް ކޭސްތަކުގެ ގޮތުގައި 1،730 ކޭސް އުޅޭއިރު، ހޮސްޕިޓަލުގައި އެޑްމިޓްކޮށްގެން 22 މީހަކަށް އަންނަނީ ފަރުވާ ދެމުންނެވެ. ރާއްޖެއިން މި ބަލީގައި 226 މީހުން ނިޔާވެފައިވާއިރު، 79،143 މީހުން ވަނީ ބަލިން ފަސޭހަވެފައެވެ.
