ހޮނިހިރު ދުވަހު ވެކްސިންގެ ދެ ޑޯޒް ފުރިހަމަކުރީ 675 މީހުން
16 އޯގަސްޓު 2021 | ހޯމަ 02:04މާލެ ސަރަހައްދުން ފެންނަ ކޭހުގެ އަދަދު ވަނީ މަދުވެފައި
ކޮވިޝީލްޑް ވެކްސިން ފުރަތަމަ ދައްކާލުން
ހޮނިހިރު ދުވަހު ވެކްސިންގެ ދެ ޑޯޒް ފުރިހަމަކުރީ 675 މީހުންކަމަށް ހެލްތް ޕްރޮޓެކްޝަން އޭޖެންސީ، އެޗްޕީއޭއިން ހާމަކޮށްފިއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ، އިތުރު 675 މީހުން ވެކްސިންގެ ދެވަނަ ޑޯޒް ޖަހާފައިވާ ކަމަށާއި، އޭގެ ތެރޭގައި ހިމެނެނީ މާލެ ސަރަޙައްދުން ވެކްސިން ޖެހި 407 މީހުންނާއި، އަތޮޅު ތެރެއިން ވެކްސިން ޖެހި 268 މީހުން ކަމުގައެވެ. އެއާއެކު މިހާތަނަށް ވެކްސިންގެ ދެޑޯޒް ޖެހި މީހުންގެ އަދަދު ވަނީ 295،039ށް އަރާފައެވެ.
އިތުރު 1،108 މީހުން ފުރަތަމަ ޑޯޒް ޖަހާފައިވާއިރު، އޭގެ ތެރޭގައި ހިމެނެނީ މާލެ ސަރަޙައްދުން ވެކްސިން ޖެހި 377 މީހުންނާއި، އަތޮޅު ތެރެއިން ވެކްސިން ޖެހި 731 މީހެކެވެ. އެއާއެކު ރާއްޖެއިން މިހާތަނަށް ވެކްސިންގެ ފުރަތަަމަ ޑޯޒް ޖެހި މީހުންގެ އަދަދު ވަނީ 343،901ށް އަރާފައެވެ.
ރާއްޖޭގެ ކޮވިޑުގެ ހާލަތަށް ބަލާއިރު މިހާރު މާލެ ސަރަހައްދުން ފެންނަ ކޭހުގެ އަދަދު މަދުވި ނަމަވެސް ރަށްރަށުން ފެންނަ ކޭހުގެ އަދަދު ވަނީ އިތުރުވެފައެވެ. އެގޮތުން ފާއިތުވި ފަސް ދުވަހަށް ބަލާއިރު ރަށްރަށުން ކޮވިޑަށް ޕޮޒިޓިވްވި މީހުންގެ އަދަދު ވަނީ 60ށް ވުރެ މައްޗަށް އަރާފައެވެ. އެއާއެކު ވެކްސިންގެ ޑޯޒްތައް ފުރިހަމަ ކުރުމަށް އެޗްއީއޯސީން ވެސް ވަނީ އިލްތިމާސްކޮށްފައެވެ.
ވެކްސިން ފުރިހަމަ ނުކުރާ މީހުން ޚިދުމަތް ހޯދުމުގައި ދަތިތަކެއް ދިމާވާ ގޮތަށް ބައެއް ބަދަލު ގެނައުމަށް ސަރުކާރުން ވަނީ ނިންމާފައެވެ. އެގޮތުން ކެފޭ ރެސްޓޯރެންޓްތަކުން ޚިދުމަތް ހޯދުމުގައާއި އެތެރޭގެ އުދުހުންތަކުގައި ދަތުރުފަތުރު ކުރުމުގައި ވެސް ހުރަސްތައް ދިމާވާނެއެވެ.
