268،000ށްވުރެ ގިނަ މީހުން ވެކްސިން ފުރިހަމަކޮށްފި
1 އޯގަސްޓު 2021 | އާދީއްތަ 18:31ހޮނިހިރު ދުވަހު 3331 މީހުން ވަނީ ވެކްސިން ފުރިހަމަކޮށްފައި
ކޮވިޑް-19 ވެކްސިން ޖެހުމުގެ ގައުމީ ކެމްޕޭންގެ ތެރެއިން
268،000ށް ވުރެ ގިނަ މީހުން ވެކްސިން ފުރިހަމަކޮށްފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އާންމުކޮށްފައިވާ ތަފާސް ހިސާބުތައް ދައްކާ ގޮތުން، ހޮނިހިރު ދުވަހު 3331 މީހަކު ވަނީ ވެކްސިން ފުރިހަމަކޮށްފައެވެ. މީގެ ތެރޭގައި ހިމެނެނީ މާލެ ސަރަހައްދުން ވެކްސިން ފުރިހަމަ ކުރި 1127 މީހުންނާއި، އަތޮޅު ތެރެއިން ވެކްސިން ފުރިހަމަ ކުރި 2204 މީހުންނެވެ. މިއާއެކު ރާއްޖެއިން ވެކްސިން ފުރިހަމަކުރި މީހުންގެ އަދަދު ވަނީ 268،244ށް އަރާފައެވެ.
ހޮނިހިރު ދުވަހު 1000އާ ގާތްކުރާ އަދަދެއްގެ މީހުން ފުރަތަމަ ޑޯޒް ވަނީ ޖަހާފައެވެ. އެގޮތުން، 946 މީހުން ފުރަތަމަ ޑޯޒް ޖަހާފައިވާ އިރު، މީގެ ތެރެއިން މާލެ ސަރަހައްދުން ވެކްސިން ޖެހީ 854 މީހުންނެވެ. އަދި އަތޮޅުތެރެއިން ވެކްސިންގެ ފުރަތަމަ ޑޯޒް ޖެހީ 92 މީހުންނެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 322،710ށް އަރާފައެވެ.
ދެވަނަ ޑޯޒް ނުޖަހާ ތިބީ 54،466 މީހުންނެވެ. މާދަމާ ވެސް ވެކްސިން ޖެހުމުގެ ކަންކަން މާލެއާއި އަތޮޅު ތެރޭގެ ސެންޓަރުތަކުން ކުރަމުންދާނެއެވެ.
