އިނގިރޭސި ޕްރެމިއާ ލީގުގައި ސައުތްހެމްޓަނާއި ދެކޮޅާށް ކުޅޭ މެޗުގައި ޔުނައިޓެޑްގެ ޕައުލް ޕޮގްބާ ނުކުޅޭނެ ކަމަށް އެޓީމުގެ ކޯޗް ހޯސޭ މޮރީނިއޯ ބުނެފިއެވެ.
މޮރީނިއޯ ބުނެފައިވަނީ ފްރާންސްގެ ފޯވާޑް ޕޮގްބާގެ ބައްޕަ ނިޔާވުމުގެ ސަބަބުން ވަގުތު ދީފައިވާ ކަމަށާއި، މި ދަނޑިވަޅުގައި ޕޮގްބާއަށް އެންމެ ރަނގަޅަށް ކުޅެވޭނެ ކަމާއެމެދު އޭނާ ނުދެކޭ ކަމަށެވެ. އެހެންކަމުން އޭނާ ޕްރާސްގައި މަޑުކުރުމަށް ހުއްދަ ދީފައި ވާނެ
ކަމަށްވެސް ކޯޗް ވަނީ ބުނެފައެވެ.
.ޔުނައިޓެޑުން އެންމެ ފަހުން ކުޅުނު 3 މެޗުގައި ފެލެއިނީ ކުޅެފައެއް ނުވެއެވެ. އިތުރަށް ވާހަކަ ދައްކަމުން މޮރީނިއޯ ބުނީ، ޔޫރޮޕާ ލީގުގެ ފައިނަލަށް ތައްޔާރުވުމުގެ ގޮތުން ޑިލޭ ބަލްއިންޑް ވެސް ސައުތްހެމްޓަން މެޗުގައި ބައިވެރި ނުކުރާނެ ކަމަށެވެ. ނަމަވެސް
އެ މެޗުގައި ފެލެއިނީ ކުޅޭނެ ކަމަށް މޮރީނިއޯ ވަނީ ބުނެފައެވެ.
ބެލެވޭ ގޮތުގައި ޔުނައިޓެޑުން ލީގުގައި ބާކީ ހުރި މެޗުތަކަށް މާ ބޮޑު ސަމާލުކަމެއް ނުދެއެވެ. އަންނަ ސީޒަނުގެ ޗެމްޕިއަންސް ލީގަށް ކޮލިފައިވުމަށް އަމާޒު ހިފާފައިވާ ޔުނައިޓެޑަށް، ލީގުގެ ގަދަ ހަތަރަކުން ޖާގަ ހޯދައިގެން ޗެމްޕިއަންސް ލީގަށް ކޮލިފައި ވެވޭނެ ކަމުގެ އުންމީދު ވަނީ ކުޑަވެފައެވެ. ނަމަވެސް އެޓީމަށް ޔޫރޮޕާ ލީގު ކާމިޔާބުކޮށްގެން ޗެމްޕިއަންސް ލީގުން ޖާގަ ލިބޭނެއެވެ.
