"މެރީ ޕިޔާރީ ބިންދޫ" އަދި "ސަރްކާރް 3" ކާމިޔާބެއް ނޫން

އަމީތާބް ބައްޗަން ލީޑްރޯލުން ފެނިގެންދާ "ސަރްކާރް 3" އާއި އަޔޫޝްމާން ކުރާނާ އާއި ޕަރްނީތީ ޗޮޕްރާގެ "މެރީ ޕިޔާރީ ބިންދޫ" ހުކުރު ދުވަހު ވަނީ ރިލީޒްކޮށްފަ އެވެ. މި ދެ ފިލްމު އެއްދުވަހެއްގައި ރިލީޒް ކޮށްފައިވާއިރު ދެ ފިލްމުން ކުރެ އެއް ފިލްމް ވެސް ކާމިޔާބެއް ނުވިއެވެ.

"ސަރްކާރު 3" އާއި "މެރީ ޕިޔާރީ ބިންދޫ" އަށް ނާކާމިޔާބީއާ ކުރިމަތިލާން ޖެހުނީ އެ ދެފިލްމު އެޅުވުމުގެ ކުރިން ކްރިޓިކްސްއިން މި ދެފިލްމަށް އިންތިހާއަށް ކިޔާފައިވާ ފާޑުކިޔުމުގެ ސަބަބުން ކަމަށް ތަޖުރިބާކާރުން ބުނެއެވެ.

އަނެއްކޮޅުން "ސަރްކާރު 3"އާ ދެކޮޅަށް ނަރެންދުރަ ހިރާވަތު އެންޑް ކޯ އިން ބޮމްބޭ ހައިކޯޓަށް ވަނީ މައްސަލައެއް ހުށައަޅާފައެވެ. އެ މައްސަލައިގައި ބުނެފައިވަނީ "ސަރުކާރް" ފިލްމުގެ ހުރިހާ ރައިޓްސްއެއް އެ ކުންފުންޏަށް ލިބިގެންވާ ކަމަށެވެ.

އެގޮތުން ފިލްމުގެ ރީމޭކް ހެދުމުގެ ހުރިހާ އިހްތިޔާރެއް އެކުންފުންޏަށް ލިބިގެންވާ ކަމަށް އޭނާ ބުނެފައި ވެއެވެ. މި މައްސަލަ ޖެހިފައިވަނީ 2008 ވަނަ އަހަރު ނެރުނު "ސަރްކާރު" ފްރެންޗައިޒް ނެރުނު ފަހުންނެވެ. ހިރާވަތު ކޯޓުގައި ބުނެފައިވަނީ އެމީހުން އުންމީދު ކުރަނީ ކޯޓު މެދުވެރިކޮށް "ސަރްކާރް 3" ރިލީޒްކުރުން ހުއްޓުވޭނެ ކަމަށެވެ. ފުރަތަމަ ހަފްތާ ބަންދުގައި "ސަރްކާރް 3" އަށް 6.75 ކްރޯޑެވެ. އަދި "މެރީ ޕިޔާރީ ބިންދޫ އަށް ލިބިފައިވަނީ 6.50 ކްރޯޑެވެ.