ހުޅުމާލޭގައި ބާރުގަދަ އަޑަކާއެކު އެއްޗެއް ގޮވުމުގެ ސަބަބުން ފުލުހުން ހަކާތްތެރިވާން ފަށައިފިއެވެ.
ރާއްޖެ އެމްވީއަށް މައުލޫމާތުދިން އާއްމުންގެ މީހަކު ބުނީ އެއްޗެއް ގޮވި އަޑު އިވިފައިވަނީ ވަރަށް ބާރަށް ކަމަށާއި، ގިނަ އަދަދެއްގެ ބަޔަކު އެތަނަށް އެއްވިކަމަށެވެ. އެމީހާ ވަނީ އަޑުން ހީވަނީ ގޮވާފައިވަނީ ގޭސްފުޅިއެއް ކަހަލަ އެއްޗެއްކަމަށް ލަފާކުރެވޭކަމަށް ބުނެފައެވެ. އެމީހާ ވަނީ ހާދިސާ ހިނގުމުން ފުލުހުންނާއި ސިފައިން އެ ސަރަހައްދަށް އެޓެންޑްވެފައިވާކަމަށް ބުނެފައެވެ. އެގޮވުން ގޮވި ގަޑީގައި އަލިފާން ފެނުނުކަމަށްވެސް އެމީހާ ބުންޏެވެ.
މި ހާދިސާގައި ލިބުނު ގެއްލުމާއި، ކަމުގެ އިތުރު ތަފްސީލެއް ހާމަކޮށްފައެއް ނުވެއެވެ. އެއްޗެއް ގޮވާފައިވަނީ ހުޅުމާލެ ޗައިނާ ޓައުން ސަރަހައްދުންކަމަށް މައުލޫމާތު ލިބެއެވެ. ފުލުހުން ވަނީ މީހުންނަށް ނުވަދެވޭގޮތައް އެ ސަރަހައްދު އެއްކޮށް ބަންދުކޮށްފައެވެ.
މި ހާދިސާ ހނގާފައިވަނީ ހުޅުމާލެ ބޯގަންވިލާ މަގު، ކުޅިވަޅުކުރުމަށް އޮންނަ ހުސްބިމުގައިކަމަށް ފުލުހުން ބުނެއެވެ. މިހާދިސާގައި އެއްވެސް މީހަކަށް ޖިސްމާނީ ގެއްލުމެއް ވެފައިވާކަމުގެ މައުލޫމާތެއް ނުލިބޭކަމަށް ފުލުހުން ބުނެއެވެ.
