ބުދަ ދުވަހު ވެކްސިންގެ ދެ ޑޯޒް ފުރިހަމަކުރީ 520 މީހުން
22 ޖުލައި 2021 | ބުރާސްފަތި 20:32އިތުރު 104 މީހުން ވަނީ ވެކްސިންގެ ފުރަތަމަ ޑޯޒް ޖަހާފައި
ކޮވިޝީލްޑް ވެކްސިން ފުރަތަމަ ފަހަރަށް ދައްކާލުން
ހޯމަ ދުވަހު އިތުރު 520 މީހުން ވެކްސިންގެ ދެވަނަ ޑޯޒް ޖަހައިފިއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން އާންމުކޮށްފައިވާ ފަހުގެ ތަފާސްހިސާބުތައް ދައްކާ ގޮތުން 520 މީހަކު ވެކްސިންގެ ދެވަނަ ޑޯޒް ޖަހާފައިވާއިރު، އޭގެތެރޭގަަައި ހިމެނެނީ މާލެ ސަރަހައްދުން ވެކްސިން ޖެހި 13 މީހުންނާއި އަތޮޅު ތެރެއިން ވެކްސިން ޖެހި 507 މީހުންނެވެ.
އޭގެ އިތުރުން، އިތުރު 104 މީހުން ވަނީ ވެކްސިންގެ ފުރަތަމަ ޑޯޒް ޖަހާފައެވެ. އެއީ މާލެ ސަރަހައްދުން 6 މީހުންނާއި އަތޮޅު ތެރެއިން ވެކްސިން ޖެހި 98 މީހުންނެވެ.
ރާއްޖެއިން މިހާތަނަށް ވެކްސިންގެ ފުރަތަމަ ޑޯޒް ޖަހާފައިވަނީ 320،991 މީހުންނެވެ. އަދި ދެވަނަ ޑޯޒް ޖަހާފައިވަނީ 260،281 މީހުންނެވެ.
އީދު ބަންދާ ގުޅިގެން، އާދީއްތަ ދުވަހުން ފެށިގެން މާލެ ސަރަހައްދުގައި ވެކްސިން ޖެހުން ވަނީ ވަގުތީ ގޮތުން މެދުކަނޑާލާފައެވެ.
ރާއްޖޭގައި މިވަގުތު ޖަހަމުން އަންނަނީ ކޮވިޝީލްޑް ވެކްސިނާއި ފައިޒަރ ވެކްސިން އަދި ސިނޮފަރމް ވެކްސިނެވެ. މީގެތެރެއިން ކޮވިޝީލްޑް ވެކްސިންގެ ދެވަނަ ޑޯޒް ޖެހުން މާލެ ސަރަހައްދުގައި މިހާރު ކުރިއަށްދާއިރު ދެވަނަ ޑޯޒް ޖަހަމުންދަނީ އެޕޮއިންޓްމަންޓް އުސޫލުންނެވެ.
