އެމެރިކާގެ މިނިވަން ދުވަހުގެ މުނާސަބަތުގައި ފޮރިން މިނިސްޓަރު ޝާހިދު ތަހުނިޔާ ފޮނުއްވައިފި
4 ޖުލައި 2021 | އާދީއްތަ 07:07އެމެރިކާއާއި ރާއްޖެއާ ދެމެދު އުފެދިފައިވަނީ ގާތް ގުޅުމެއް
ފޮރިން މިނިސްޓަރު އަބްދުﷲ ޝާހިދު،
ޔުނައިޓެޑް ސްޓޭޓްސް އޮފް އެމެރިކާގެ 245 ވަނަ މިނިވަން ދުވަހުގެ ތަހުނިޔާ ފޮރިން މިނިސްޓަރު އަބްދުﷲ ޝާހިދު ފޮނުއްވައިފިއެވެ.
އެމެރިކާ ސަރުކާރާއި ރައްޔިތުންނަށް ދިވެހި ސަރުކާރާއި ރައްޔިތުންގެ ފަރާތުން ވަނީ ތަހުނިޔާ ފޮނުއްވާފައެވެ. މިނިވަން ދުވަހުގެ މުނާސަބަތާ ގުޅިގެން މިނިސްޓަރު ޝާހިދު، އެމެރިކާގެ ސެކްރެޓަރީ ސްޓޭޓް އެންޓޮނީ ބްލިންކެންއަށް ތަހުނިޔާ ފޮނުއްވައި ކުރެއްވި ޓްވީޓެއްގައި ވިދާޅުވީ އެމެރިކާއާއި ރާއްޖެއާ ދެމެދު އުފެދިފައިވަނީ ގާތް ގުޅުމެއް ކަމަށާއި، ދެގައުމުގެ މެދުގައި އޮންނަ ޒަމާންވީ ގާތް ގުޅުން މި އަހަރުގެ ތެރޭގައި އިތުރަށް ހަރުދަނާވެގެންދާނެ ކަމަށެވެ. އަދި ދެ ގައުމުގެ ގުޅުން ކުރިއަށް އޮތްތަނުގައި އިތުރަށް ބަދަހިވެގެންދާނެކަމަށް އުއްމީދުކުރައްވާ ކަމަށް މިނިސްޓަރ ޝާހިދު ވިދާޅުވިއެވެ.
ފާއިތުވި އަހަރުތަކުގައި ރާއްޖޭގެ އިޖްތިމާއީ އަދި އިގްތިސާދީ ތަރައްގީއަށް އެމެރިކާއިން ނުހަނު ބޮޑު އެހީތެރިކަމެއް ފޯރުކޮށްދީފައިވެއެވެ. ދެގައުމުގެ ދެމެދުގައި ސަލާމަތީ ކަންކަމުގައި އޮންނަ ގުޅުމަކީ އެހެން ގައުމުތަކަށް މިސާލެއްކަމުގައި މީގެ ކުރިން މިނިސްޓަރ ޝާހިދު ވިދާޅުވެފައިވެއެވެ.
މީގެ އިތުރުން އެމެރިކާގެ ރައްޔިތުންނަށް ފާގަތި، އުފާވެރި މުސްތަގުބަލަކަށް އެދިވަޑައިގެންފައިވެއެވެ.
