ބުރާސްފަތި ދުވަހު އަތޮޅުތެރެއިން ޕޮޒިޓިވްވީ 157 މީހުން
24 ޖޫން 2021 | ބުރާސްފަތި 17:39މާލެ ސަރަހައްދުން ޕޮޒިޓިވްވީ 52 މީހުން
މަގުމަތީގައި ބަޔަކު ސައިކަލު ދުއްވަނީ
ފާއިތުވެދިޔަ 24 ގަޑިއިރުގެ ތެރޭގައި އަތޮޅުތެރެއިން 157 މީހުން ކޮވިޑަށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން އާންމުކޮށްފައިވާ ތަފާސްހިސާބުތަކަށް ބަލާއިރު ޖުމްލަ 212 މީހަކު ޕޮޒިޓިވްވެފައިވާއިރު، މާލެ ސަރަހައްދުން ޕޮޒިޓިވްވީ 52 މީހުންނެވެ. އަދި ރިސޯޓްތަކުން 02 މީހަކު ޕޮޒިޓިވްވެފައިވާއިރު އިންޑަސްޓްރިއަލް ރަށްތަކުން އެކަކު ވަނީ ޕޮޒިވްވެފައެވެ.
މި އަދަދާއެކު މިހާތަނަށް ރާއްޖޭން ޖުމްލަ 72،678 މީހަކު ވަނީ ކޮވިޑަށް ޕޮޒިޓިވްވެފައެވެ. މިހާތަނަށް ޖުމްލަ 68،197 މީހުން ވަނީ ބަލިން ރަނގަޅުވެފައެވެ.
އެކްޓިވް ކޭސްގެ ގޮތުގައި ހިމެނެނީ 4،959 މީހުންނެވެ. މީގެ ތެރެއިން 38 މީހަކަށް އެޑްމިޓް ކޮށްގެން ދަނީ ފަރުވާ ދެމުންނެވެ. މި ބަލީގައި މިހާތަނަށް 207 މީހަކު ވަނީ ނިޔާވެފައެވެ
ރާއްޖޭގައި ކޮވިޑްގެ ހާލަތު އެންމެ ގޯސްވާން ފަށާފައިވަނީ މިދިޔަ މެއިމަހުގެ ތެރޭގައެވެ. އެއާއެކު ސަރުކާރުން އެޅި ހަރުކަށި ފިޔަވަޅުތަކަށްފަހު ކޭސްތައް މިހާރު ވަނީ މަދުވާން ފަށާފައެވެ. ކޭސްތައް މަދުވާން ފެށުމާއެކު ސަރުކާރުން ވަނީ އަޅާފައިވާ ބައެއް ފިޔަވަޅުތަކަށް ލުއިދޭން ފަށާފައެވެ.
