އިސްލާމިކް ޔުނިވަރސިޓީ އޮފް ބަންގަލަދޭޝްގެ 2020/2021ވަނަ އަހަރުގެ އަންޑަރގްރެޖުއޭޓް ކޯސްތަކަށް ފޯމް ހުށަހެޅުމުގެ ފުރުސަތު ހުޅުވާލައިފިއެވެ.

ހަޔަރ އެޑިޔުކޭޝަން މިނިސްޓްރީން ބުނީ މި ކޯސްތަކުގައި ބައިވެރިވުމުގެ ފުރުސަތު ދިވެހިރާއްޖޭގެ ދަރިވަރުންނަށް ހުޅުވާލެވިފައިވާ ކަމަށެވެ. މި ސްކީމްގެ ދަށުން 34 ދާއިރާއަކުން އަންޑަރގްރެޖުއޭޓް، ފެންވަރުގައި ކިޔެވުމުގެ ފުރުސަތު ހުޅުވާލާފައިވާ ކަމަށް މިނިސްޓްރީން ބުނެއެވެ.

މިކޯސްތަކާބެހޭ އިތުރު މައުލޫމާތާއި، އެޕްލިކޭޝަން ހުށަހަޅަންވީގޮތުގެ މައުލޫމާތު އިސްލާމިކް ޔުނިވަރސިޓީ އޮފް ބަންގަލަދޭޝްގެ ވެބްސައިޓް،https://www.iu.ac.bd/index.php/pages/view_1/NjU=/MzA5ލިންކުން ލިބެން ހުންނާނެއެވެ.

ހަޔަރ އެޑިޔުކޭޝަނުން ބުނީ 30 ޖޫން 2021ގެ ކުރިން ފޯމް ހުށަހަޅަން ޖެހޭ ކަމަށެވެ.

މިކޯސްތަކަށް ހޮވޭ ފަރާތްތަކުން، ކޯހަށް ފުރުމުގެ ކުރިން، ކޯސް ހިންގާ އިންސްޓިޓިއުޓަކީ މޯލްޑިވްސް ކޮލިފިކޭޝަންސް އޮތޯރިޓީ (އެމްކިޔުއޭ)އިން ގަބޫލުކުރާ އިންސްޓިޓިއުޓެއްތޯއާއި، ހޮވިފައިވާ ކޯހަކީ އެމްކިޔުއޭއިން ގަބޫލުކުރާ ކޯހެއްތޯ ކަށަވަރު ކުރުމަށް މިނިސްޓްރީން އިލްތިމާސްކޮށްފައިވެއެވެ.